__________الجمره ___
دربي جمره
أومن جمر جدمي انچوه
وعيني وكحه الماتمل درب الهوه
وناطرتكم ...والمحطه ابلايه سچه
وصفحه صفحه الليل بظنوني انطوه
وچا عود بجدامي شسوي
الماتلِمّ اوياكم الخطوه سُوه ...!
ورتويت ابذل عطشكم
والعطش بيّه ارتوه
وصاوغتكم...
صاوغتكم عين مفطومه اعله ملگه
وثكله مامرهه الغُوه
وگمت الوذ ابظل خيالي
وعثَر ابنسمة هَوَه
وحيلي خيط اشما ألمّه
ابشهگة الوسفه التوه
وحشّمت خيطي الشمعكم
يحترگ..........حته ابّختكم
وانه افرفح وينكم ؟
ها روحي ظلمة وعازت الشامه ضوه
حته اوچّد بي دربكم
حته افرزن بيه رطبكم
ياعثگ شيص بعذابي
وياعثگ طگ وستوه
وخل يجسني الشيب أتاني
وهاذه طبع اليغرگ ايجدّي الهوه
وعاب روحي العشكت املوحة دمعكم
چي طلع يرهم عله اجروحي دوه
كاظم العطشان
رد مع اقتباس