الغيرة
الغيرة
شنو قصتك عراق الغيرة والنخوات
شنو قصتك وطن شنو قصة رجالك
معقوله الفقر ينتشر وسط الخير
محسوبه عليمن كَلي شجرالك
ميزانية جانت بثنعش مليار
واحسن اقتصاد ومحد اعدالك
من بعد السقوط اتضاعفت الارقام
اضعاف القديم وضعفت احوالك
جانت غيره تهدم كل جبال العوز
بس الغيره هسه انهدمت بجالك
وين اهل الزراعة وثروة الحيوان
وين اهل الصناعة والذهب مالك
وين الغاز وين النفط والتكرير
واموال المنافذ وانت تتهالك
اصحى ياوطن اكَعد وشوف الناس
شنو قصتك اسنين النومه تحلالك
اصحى ورجع الماضي ابو الخيرات
يمعود وخلي الغيره تبرالك
رايدلي وطن مهيوب ورفعة راس
ما بي كل جداوه وعزَّه تهنالك
رايدلي وطن من احجي احجي بزود
مو من احجي راي اندفن برمالك
رايدلي وطن يحترم كل الاطياف
كل طائفة بالتعتقدة تتمالك
ما اريدن لي سني ايحارب التشييع
أو شيعي يحارب سني وكَبالك
من كل الطوائف رايد آنه اخوان
بس اسمه عراقي وفدوه لخيالك
ما ابحث واناقش ..لعنة عالتاريخ
دمرنه ويدمر حتى اجيالك
ما اريد المضى وآنه ابن هذا اليوم
خلي الماضي لاهله معود شمالك
مو ضحكوا علينه اعدانه والشمات
يا ابو الغيره يمته يبين هلالك
اسماعيل القريشي
الجمعة ٢٠٢٠/٧/٣١
يوتيوب اضغط هنا
رد مع اقتباس
المشاركة الأصلية كتبت بواسطة قُزوؤومہٰهٰهٰہٰٖ~❥
