يا الهي جودك إيخجل السؤال
يا الهي علمك إيكف المقال
بيه ارحم وانت محمود الفعال
يارب .. يارب
...........
اني سائل ياكريم وانت قادر من نخيتك
يلحشاك اتردني خايب وانه ملهوف اعتنيتك
انت كلت ادعوني واني طوعا لأمرك دعيتك
يا الهي مد الي حبل النجاة
يالهي بالحياة وبالممات
بيه ارحم وانت محمود الفعال
يارب .. يارب
.....................
طامع ابليس ابجهنم وانه طمعان ابجنانك
ضايع التيّه طريقك والي مامربيه امانك
وخاسر العنك بعيد وعمره ماحس ابحنانك
يا الهي وصلك وقربك جميل
يا الهي وانت بافضالك جزيل
بيه ارحم وانت محمود الفعال
يارب .. يارب
.....................
انه ميت وانت حي وانه عاجز وانت قادر
ظاكت وهيهات اكلها انت ربي وابقه حاير
بالحسين ونحره احلفك والضلوع الرضها حافر
يا الهي بالشفاه الذابلات
يا الهي بالخيام اللاهبات
بيه ارحم وانت محمود الفعال
........
بيمن ابدي يا الهي وانت اعلم بيه مني
اني غركان بذنوبي و قارب الطافك حملني
منشغل بالدنيا عنك عمري ضاع ابلحظه عني
يا الهي بفقري الك اقسم عليك
يا الهي ياغني وكلشي اباديك
بيه ارحم وانت محمود الفعال
يارب يارب
....................................
الخجل باعدني منك وانت اقرب من وريدي
ذكرك ايطيب جروحي وابوصالك يبدي عيدي
ارحم ابحالي برحمتك هاي الك ممدوده ايدي
يا الهي اذكر اذنوبي و اخيب
يا الهي وأبعِد وانت القريب
بيه ارحم وانت محمود الفعال
يارب .. يارب
...................................
كلمات زهير الإبراهيمي