هنا

[فقار الكرخي]

كـون الليله الشـوگ يجيبك
وتــوعّـي بصـوتك شـباجي

چـا مــاعـت لك رزّة بـابـي
وچـا گتلك ميـخالف ماشي

چــا گتلك مغسولـه ذنوبك
لا تـعرگ ، سامحتك مـاشي

كــون الليله الشوگ يجيبك
چـان تشـوف شـگد رمـادي
وتـوگع مكسور اعلى چتافي

وتعاين لــي ودمعك دافـي
وچــا گتلك سامحتك كـافي
جــا گتلك ميخالــف مـاشي


كــون الليله الشوگ يجيبك
أشــعل بيك مــرايــة لـيلـي
حتى بصفنه تجيس جروحي
ويـفوح القــداح بــ روحــي
وافرح وانگــز فــوگ فـراشي

أفــتر ويْ طـــــولك فــــرّاره
وارگص زيبگ فــوگ الكاشي

أخدر واغفه ومامش وحشه
ومن تندهني خيوط الغبشه
أوگف فـوگ العـتبه مـرايــه
والبــوس امــورّد بخــدودي
وشـبگـاتـك تـلمــع بـزنودي
تتلفت لـي عـيون الماشـي
وينط امـن الــحرگـه الواشي








عبدالكريم_القصاب

[شذى الأرجوان]

مشكور على نقل الحلو

[فقار الكرخي]

نورتي