دكاكين الضماير والزلم للبيع
كل عشرة بربع يا مرخص المبخوت
زلم تلزم سرة اعله جفوف ما تنباس
وزلم لزمت سرة اعله الغيرة والتابوت
وفرق بين اليموت احساسه بالدينار
وبين الما رضا وراد بقضيته يموت
ولك صعد العكَال ونزل الدولار
الملاهي بجالك انترست بنات بيوت
وينك يا شعب ساكت وما مغتاض
يا يونس بعد ما يغص بيك الحوت
بولاية علي وتلزم سرة النسوان
خبز ما عدها ، وك*******تصوغ بتوت
يبو التاريخ ترى ما يرحم التاريخ
تابوتك ذجر والموقف الزاتوت
وذو الفقار بس لجف ابو الحسنين
وما يتوالم المسلول والمسلوت
اليببع اسمه وضميره العار ما يخطيه
ومضيفه يبدل اسمه وينكلب حانوت
عقيل العرد
رد مع اقتباس
