هنا

[مصطفى العراب]

مثل يعقوب حزني بسبب فركاك
بيض اعيوني صارن غوشن كلش

[مصطفى العراب]

رسميات وسفة ألملتقى أيصير
ألسلام أبلا حبيبي جنة طردة!!!!

[مصطفى العراب]

كبل جان اليحن يتعنة للبيت
عساهة بختة من سوة الموبايل

[مصطفى العراب]

البلبل بالقفص لو رايده يموت...
بس ذكره بعشرته ويالبساتين..

[مصطفى العراب]

ادك بيبان عنك وأسأل الناس
الشماته اتكلي طالع الله ينطيك

[مصطفى العراب]

من كد ما تجي وتروح عالبال
ضل بعقلي بس اثار رجليك

[مصطفى العراب]

اهز كاروك جرحك وسهر وياه
شمالك يا جرح ما تغفه وتنام

[مصطفى العراب]

اسولف ظيم حبي للعصافير
خذن مني جكاره وكامن يدخنن

[مصطفى العراب]

كتبت ذكرى {احبك} شككتهه شلون؟
انا حته {ال أكرهك} محتفظ بيهه

[مصطفى العراب]

يل وجهك درس ما ينحفظ للموت
وعيونك مسائل ياهو اليحلهن..؟