هنا

[ارجع يازمان]

غزل الروافض!!
حسين الساعدي
اشكَد أحبك انه اَحبك يا أمير المؤمنين!!
يمكن ابكَد رحمة الله الفاضت ابكل السنين
شاعر إوجنني حُبك واعتله ابصدري الأنين
والغزل بس الك يِحله وانته شوك العاشكين
حاير ابيا شوك أحبك يا امام المتقين!
أبكثر حُبك أحبك الرَسول الله الأمين
وكَثر ما وافت الزهره الطاهره أم البنين
ابغيرة العباس أحبك وبكَثر صبر الحُسين
صرت اغار امن الروافض لأن بيك امهَيميين
وحَتى من سيف ابن ملجم لأن باسك بالجبين
يا علي اشكَد حلو حُبك وأنتَ نور الله المبين
دورت عاليشبهونك مالكيت الأربعين!!!!
الزاودوك اعله المراتب انته وين وهمه وين!
الك خَصَصها الزعامه الباري رَب العالمين
الكاع جي لامسها جدمك صرت ابوسنها ابحنين
واَحسد أموات الولاية الهسه يمك نايمين!
والله أحبك
انه أحبك
يا أمير المؤمنين
االساعدي

[صادق الساعدي]

احسنت ابو علي