دفـــو صوتك دعـاء الميت ايگـعـده
خفـف مــاي حسنك لا أسولــف بـيك
معــذور اليفضحـك لـــو فــگد رشـده
يا خيط السمه ، نســـمة هــــوه تثنيك
وتحضنك فـــراشــــــه ورازقي آمـــندّه
حلو ، من ثوب حسنك يبصر المكفـوف
ودفـــو صوتك دعـاء ، الميت ايگـعـده
اذا كــل الجــــــمال اتجـــمع بــ انسان
أنــــت اعيـون وجهـه وشــفّته وخـــده
على طـعـم الملاحـــــه والغـرابـه البيك
اليلاگي امحـاسـنـك يتبســـمر ابحــدّه
يـمّـي وما أعرفك ، تجي بغير اوصـاف
لان ربـــك يمـــدّك بــ احلئ مــا عـنـده
مــايع بــ المشابگ طــول كـلّه اخصــور
خــايــف تنگـــطع يا شــــــدّة الشــــده
عجيب اشلون تمشي وانت گــامـة ماي
عـين الله اعلى طـولــــك خــاف يتـبـدّه
يلـوليـلي جمالك واشـتهيك اگمـــــــاط
ولـولـيلك وانـــومـــك نــــوم البمـــهده
أگلبك نــوب هــيج ونــوب هيج ونــوب
أنكـتك على اشـــفـافـي امناكت الورده
ســـــواليـفك ابگلـبي خيطـهن ملـــظوم
على گلـبـي حفظتك ، دفــترك ســـــدّه
أعــرف الياخذنـــــك للخـــدر وتــــذوب
واعـــرف اليوجعنّك وحـــدة الـــوحــده
صـــار اسنين دايـــخ مثل سـلعه ابسوگ
واحـــــد كـــاظ گـلـبي او واحـــد ايهـده
بس انت خذتـني وبيـك بـس مشــــدود
مـــــــا خلّـــيت لــحّــد خــيط اليشــده
عبدالکریم ألقصاب
رد مع اقتباس
