هنا

[ارجع يازمان]

ابيوم الخميس ايصير الوداع
الخميس امن الاسبوع اشلون ازيحه!
؛
تغافلني الدموع وتوكع ابساع
المن امشي ؟ محتاج النصيحه!
؛
صدكت ابزماني وجان خداع,
جرحني باخر احجايه الصريحه!
؛
يكلي ارضه بالقسمه وهاي الاوضاع
التعرفه مو الك المن تصيحه؟
,
عافوها ابسفينه امضيعه الشراع!
الورده التنهمل ما تنطي ريحه!
؛
خطبوها وبعد حتى الأمل ضاع
مجبوره وصفت مثل الذبيحه!
؛
ابحكم الاهل وبهاي الاطباع!
طاحت دمعتي وسوت فضيحه!
؛
شفت الزفه بم اعيون الوساع,,
ابوقت دكات كلبي المو مريحه,,,
؛
زين وماطحت واتمشه عالكاع
بالكوه اسحل ابروحي الجريحه!
بالكوه أسحل ابروحي الجريحه
حسين االساعدي
جروح
قديمه

[،،،،،،،،،]

شكرا

[ارجع يازمان]

شكرا

لمروركم الاجمل