يم الله العشگ مسموح
چـــا شلّي بگذلتي بلايه اصابيعك ..؟
يدافي بگد ضحكتك بالزعل وياي
وبارد مثل گلبي بيوم توديعك ...
بعدنه ولاشبعنه من العشگ زعلات
بعدنه ولاشبعنه احلام
چان أول حلم عش واحد زغيرون
دافي بگلب شجره يبات
وچان أول زعل يگضي بضحكتك دوم
مثل حزن الوطن من يگضي بالثورات ...
تذكر من گلت زعلان
لان ماراضيه تقنعين !!
چي گتلج : نسمي أول طفل تشرين
اي تشرين ! آنه استشهد
وآخذ حلم تشرين
وإنتِ مدلله تضلين ..
گتلي ... وگتلك ... وگتلي ...
چذب من گالچ بــ ( هناك )
كلمن حاير بروحه
يم الله العشگ مسموح
يم الله العشوش هواي
كلها طيور ( تشرينات )
ولاتشرين بيها من الحقد مذبوح
تعالي وياي يم الله العشگ بي روح
لطيف العامري
رد مع اقتباس
