دارميات ل عطا السعيدي
والله مــو مشتكى بس قصدي أوضح الحال
وأغـلـگ أبواب الجدل بوجه الگـلت والـگال
مـو شـرط حالة حـزن دمع الجـفـن لو سـال
ولا كـل ضـحك من فـرح يـطلـع من الـدلال
ولا كـل رگـص مــن طرب مـرات مـن زلـزال
يـرگص الـداس الجمر بس يـرگـص بيـا حـال
والطـيـر يـرگص رگـص لــو حـزتـه السچـيـن
ويـنـصـبغ كِلـه حَـمـر مـن النـحـر للـرجلـيـن
ويحنّـي چـف ذابـحه من دم وريـده الغـض
ويـاك گـلـي شـوكـت هـاي الطـلابـه تـفـض
عطا السعيدي
رد مع اقتباس