درر العراق

مرتضى الطيب · 13/February/2013

عيدنه على عيدك إني والناس
وشعلنه شموعنه بلهفة من جيت
وذكرناك وذكرنه الطيب والإحساس
وكحلنه النواظر يوم طليت
على العشرين تزعل لو على الفات
إذا رايد عمر من عمري خليت
حاير والهدايا إشكال والألوان
شهديلك شجيب بحيرة ضليت
لسان الهدايا يصيح بيه أرجوك
لعده دخيل خذني اليوم يا ريت
واكتبلك قصيدة وبيت يحسد بيت
كل واحد يكول الكبلي أحلى لكيت
الأول باسمك شفته زاهي بنور
جن نور الشمس لو طب ضواها البيت
والثاني لمحته بعطر هيل يفوح
خايب ياسحر للناس هل راويت
والثالث سمعته يصيح يا ستار
من شافك بابي اليوم مريت
تعزمني على عيدك وانت خجلان
تقدملي البطاقة شنو كتبيت
حبيبي لو صديقي لو بلايا اللقاب
كلي ارجوك كلي شنو حطيت
لان حسب الكلام يكون فعلي وياك
وعلى قانون التفاعل هيج سويت
اذا كلمة حبيبي اني احبك موت
واذا كلمة صديقي للصداقة اشريت