هيج اريدك
ارد أگلك
چانت ايدي
خوف ساعة
تمشي بيها الصفنة بجفوفك واغار من الوكت
وارد اگلك
چان عيد البرد أوّل ما شهگنة
وذكرة ماتنصف زمنها
امنين ماتحسبني ابدي بدورة عيونك واضيع
يا
ملاگة الباب من يغدر البيت ويغبش لملّة غريبة
يا
فهاوة أي اريدك من تسولفها الحبيبة
اي اريدك
جنح مد روحة اعل طيرة يگلها ريضي
عتبة بنادم متاهات التجيبة
كسرة الخبزة بحلگ مسجون روحك
سجن مال مواهس المسجون لأسمة
وتحسب أسمك
تلگة روحك خبصة مگاريد عن راي الحكومة بكل عمرهم
هيج اريدك
فطنة المرسال من يوجع بريدة
خوف جنسية بجريدة
وارد اگلك
آنة جنسيتك
عگب ما صافحتني
والصدگ مامش خبر .
عباس الغالبي
رد مع اقتباس
