البارحة حلمت جني امشي ابشارع كله ورود وحشائش طرية
وفراشات ملونه والنسيم معطّر بكل الانواع من العطور
طبعا مع ناس كثيرة معي تمشي على هذا الشارع العجيب وكلنا لابسين حذاء كتان ابيض
خفيف .
يعني شارع غير مبلط بالجير .لكنه مزروع ورود من كل الاطياف .
ولكن اشوف بالجهة الثانية ناس حفاة يمشون على شوك وعاكول وحصو ناعم مدبب
ورجليهم اتصب دم كسروا خطاري .
وانه بالحلم .
المهم الناس تمشي مرتاحة وسعيدة .ومن مسافة شفت واحد كاعد ع الرصيف يعني طرف الشارع
شيخ كبير الجسم عظيم الهيئة .ولابس اعمامه حمره ونعال وردي ودشداشة بيضة .
استغربت اول مرة اشوف هيج معمم بس هوة هيبة ومخيف .
هذا الشيخ عنده سلة بيها تفاح ويوزع ببلاش .
بس اشوف ناس ماتاخذ منه واشوف كل عشرة يمرون واحد ياخذ تفاحة
ولما ياخذ التفاحة راسا ينزع حذائه ويمشي على الشارع ابو الحصو والشوك
انه انثولت ودنت نفسي ع التفاحة لما وصلت يمه اخذت وحده وبالسرعة
اجتني قوة خفية اخذت حذائي وشمرتني على الشوك والحصو .
ولما دخلت هناك ورجلية كامت اصب دم .
فسلم عليه واحد .انا ماعرفته بس هو عرفني طلع حيدر .
شفت حيدر الوحيد اصابعة مكَطعه مال رجليه
كَتله حيدر ليش انت من دون العالم اصابعك
مكطعه .
كَالي خوية كَلت صديقي سيف واخذت منه تفاحتين .
طبعا انا كنت ناوي انطي حيدر تفاحتي .
بس من كالي هيج اتراجعت .
كلت اذا اثنين وانكَطعن اصابعه
جا اذا ثلاثة اشلون .
عاد سالته كتله حدوري منو هذا ابو العمامة المخيف واللي ورطنا بتفاحة
وذبنا على الحصو .
كالي ماعرفته .
هذا سيف حسين .
وفزيت .
اخوان شنو تفسيره هذا الحلم .
مشكورين سلفاً
رد مع اقتباس
المشاركة الأصلية كتبت بواسطة سـمــيــر ..
