البارحة جنت اقرا عن اصل العادات وشلون تتكون والخ
جانت اكو التفاتة جدا مميزة
ليش اكتساب العادة السيئة اسهل من العادة الجيدة ؟
جان الجواب بسيط بس لطيف
يكول ان العادة السيئة ثمرتها متتاخر
يعني اذا تريد تسويلك شغلة مو زينة
راح تستفاد آنياً وتستمتع بيها
بينما العكس مع العادة الايجابية
ثمرتها تكون متأخرة
يعني تحتاج وقت حتى تحصل عليها
لذلك تكون صعبة
لان تحتاج ارادة اكبر ووقت اكثر
لذلك يميل الانسان لتكوين العادات السيئة .
احنة كلنا عدنة هالعادات
الزينة والموزينة
"هي حرب سياسية بيناتهم علمود الانتخابات ونارهم تاكل حطبهم "
هذا ما يبرر به الحمقى وعديمي الضمير لانفسهم وهم يتجاهلون دماء اخوانهم التي تفور على أراضٍ تبعد مئات الفراسخ عن اهاليهم واطفالهم .. ليحفظوا نعمة الأمن والأمان علينا
بكيفهم يقسمون الشهداء مرة وطنيين ومرة ضحايا المساومات السياسية ومرة ايقونات !
منذ اكثر من ألف و300 عام كان جزء كبير من الحرب على أئمة الهدى اعلامية وما زالت حتى هذا اليوم
الاعلام گدر يشوه صورة حتى واحد بعظمة الامام علي ع ويحول حسناته الى سيئات ومحاسنه الى عيوب تضحك الناس عليها في محافلهم
الناس نفس الناس .. روجة تجيبهه وروجه توديهه .. لا يدققون ولا يبحثون ولا يصدقون الا ما تميل اليه اهواءهم
نواشيط واعلاميين وقنوات معاوية أسكرت الناس وأعمت قلوبهم بكثرة التزييف والاشاعات وجعلتهم لا يعرفون صديقهم من عدوهم .. واقوى الاسلحة الاعلامية التي استخدمت هي "التحشيش" و"التدليس" و "الكذب" على هذا الرجل حتى اعتقد الناس ان علي لا يصلي !
هاي قبل 13 قرن .. لعد هسه شنو ممكن يسويلك الاعلام ؟
الادوات الاعلامية التي استخدمها معاوية تتناسب والجو العام لذلك العصر .. ولو الامام علي بهذا الوقت جان انضافت اله تهمه انه غير وطني وولاءه للدين والعقيدة وليس للوطن والارض وهذه شائنة علي الكبرى
وَإِذْ يَتَحَاجُّونَ فِي النَّارِ فَيَقُولُ الضُّعَفَاءُ لِلَّذِينَ اسْتَكْبَرُواْ إِنَّا كُنَّا لَكُمْ تَبَعاً فَهَلْ أَنتُم مُّغْنُونَ عَنَّا نَصِيباً مِّنَ النَّارِ* قَالَ الَّذِينَ اسْتَكْبَرُواْ إِنَّا كُلٌّ فِيهَآ إِنَّ اللَّهَ قَدْ حَكَمَ بَيْنَ الْعِبَادِ*
هذا شاعر محترگ من الشوق لحبيبه العايفه وواصل مرحلة لا تطاق
فيلقي قصيدة يكول باحد ابياتهه
خفت لا اسويلي عَمْله .. وروحي اذبهه بأي حضن !
حقيقة استوقفني البيت .. مرات الانسان يريد يهرب من الوضع النفسي المتأزم مالته ويروح يذب روحه عمياوي ع اي واحد تحت شعار .. عميي كلشييي ولا يبقى وضعي هيج !
وممكن يذب روحة ع واحد اسوأ من خياراته السابقة وهم بعد فترة يشرد منه ويذب روحة عمياوي وهكذا يخلص عمره يركض والعشه خباز
هسه العراقيين .. جرعوا المر من صدام بحيث رحبوا بالاحتلال بس حتى يخلصون من صدام .. وراهه انتخبوا ذول السيايين فقط لان يخلوهم يرحون مشي ويسوون مواكب لان ناس محرومين من كلشي
بعد جم سنة جزعوا منهم .. وهسه بس يردون يخلصون من ذول عسما يجي مكانهم الانگس منهم ..
الخلل بكل هذا الفوك هو احنا كشعب تعبان جاي نذب روحنا بأي حضن ومجاي ناخذ الدرس وهو ان تحضير الخيار الملائم - وليس العرگچية او اصحاب الولاءات الخارجية او الناقمين ع شريحة كبيرة من الناس - أولى من تغيير الخيار الحالي بدون خطة
صناعة التزاحم الوهمي
لتخلي واحد يمارس عليك التزاحم القسري ويخليك بين أما .. أو ويمنع عنك بقية الخيارات
يعني انت جاي تشيل الوصاخة من باب بيتك .. يجيك واحد يگلك بدل ما كاعد هنا تلگط وصخ روح ربي ابنك اللي يومية متعارك ومفشلك وية العالم
كأنه تربية الطفل تتزاحم مع رفع الاوساخ .. طيب خوب انظف بابي و اربي ابني بنفس الوقت !
يشوفك تنتقد فساد موظف بالجوازات او بالصحة .. يگلك بدل ما جاي تدور ورة هذا المسكين الراتبه 500 خوب شوف الحيتان الكبار شجاي تسوي من بوكات بينا كلنا !
عجيب يعني ليش اما .. او .. خوب ثنينهن اسويهن ؟ خوب اسوي اللي اگدر عليه وارفض تلما اگدر عليه !؟
تكول ارفض وجود الكيان الغاصب من منطلق ديني واخلاقي ومبدأي وقومي وعروبي وانساني .. يگلك جا انت مستبيحتك الحكومة وايران تتدخل بقرارك السياسي وتركيا نازلة قواتهه بالشمال وانت حاير بفلسطين ؟
عجيب .. زين ليش تصنع تزاحم وتخيرني بين خيارات محدودة ؟ وبعدين الموقف من الكيان الغاصب وتثبيته شراح يأثر علي بشغلي هنا ؟ عادي اكدر ارفض الكيان شلع قلع وتدخلات تركيا وايران والسعودية وارفض الاحتلال الامريكي كلهن وانا اشتغل
التزاحم الوهمي وتحديد الخيارات حيلة منطقية يريدون فيها مآرب أخرى
مهما صارتلك تجارب بالحياة ومهما انشغلت ومهما عشت وجربت .. ماراح تحب غير الشخص الي طلع احلى شي بيك ..
الي ساعدك تصير اقوى .. والي بكل وكت يحب يسمع التكوله .
الشخص الي كاعد وياك ويفكر بحيرتك وسكوتك .. ويكلك وداعتك كلها تهون .
الي مايحجي هواي وملتهي بحياته .. وتلتمس محبته برسالة وبسؤاله عن حالك .. بمكالمته الي مابيها اي مصلحه بس مجرد يعرف انت بخير ويطمن عليك ..
الشخص الي تصيرلك مشكله وتحس انه صدك خايف عليك ..
الانسان الي ماخذك ع عيبك ومقتنع بهل صفه بيك ويحبها ..
بكل ضعفك وانهزامك .. بكل افراحك وسعادتك .. مجرد وجوده بحياتك يفرق حتى لو هو مموجود وياك بكل وقت .
شكرا على نعمة وجود هل ناس بالحياة..
أما بعد
الحمدالله على تربية أهلنا اللي خلتنا نگول ما شاء الله لما نشوف شيء حلو، لما نفرح للناس بأشياء الله انطاها الهم حتى لو ناقصتنا، على وگفتنا مع غيرنا حتى لو نعرف انهم ممكن مايوگفون ويانا ، على القلب النظيف الخالي من الحسد، وعلى الضمير الي يأنبنا على اي غلط بدر منّا
بعد ما انتشرن صور الحلبوسي متزوج وحدة اعلامية مدري ممثلة ..
اكتشفت ان الكثير من البنات وكلهن بين طبيبات وصيدلانيات ومستويات دراسية عالية يعتبرن الحلبوسي شخصية اتراكتف "جذابه" ولطيفة ورزنة ويتمنن واحد مثله يتقدم الهن
زين اوكفوا اوكفوا .. لعد ذني الثوريات الجانن يريدن ابو التكتك وين ؟ ابو التكتك علم .. علم والله علم
طبعا كثير منهن ضد الفساد ومع التظاهرات ويردن وطن .. اي والحمزة
شنو فساد الحلبوسي يختلف عن فساد الدعوچيين لو البدريين لو الحكيميين الخ ؟! لو فلوسه كثرانات من آثار دعاء الأم ؟
شوف الاعلام من يركز ع فساد ناس ويغلس عن فساد الباقين او يذكره بشكل هامشي .. هيج نتائج تكون طبيعية
التكتلك هاي الزوجة الثانية مدري الثالثة
حتى الفمنستات خربن وعلي
انا من اشوف اسرائـيل
هاي اللي يصورهه الاعلام بالافلام والمسلسلات فد شيئ هائل لا يهزم والقبة الحديدية أقرب لمصابيح السماء التي جعلها الله رجوما للشيطان .. فكما لا يصل شيطان الى السماء .. لا يصل أي صاروخ للكيان المحتل ..
من اشوفهه عبارة عن بالون منفوخ لا اكثر .. والقبة الحديدية يومية مفشلتهم ولو تصد صاروخ من اصل عشرة لو ما تصد و المقاومة الفلسطينية تتنامى وتتقوّى بشكل تتابعي ودوري وتحولت الحجارة التي تضحك عليها دروعهم الى صواريخ قاهرة تمطر من السماء كحجارة السجّيل
هذا يبعث بيّة الأمل الكبير واكول لابد يجي يوم ينتصر المظلوم على الظالم والفساد اللي عدنا ونتصوره متجذر للحد اللي ما يمكن ان ينصلح .. لابد ان ينتهي بيوم من الايام ويكون العراق بمصاف الدول العريقة
والمظلوم اللي ما عنده قوت يومه بالناصرية واللي ما يكدر يتزوج بالبصرة والارملة اللي ما عدهه ايجار بالسماوة والطفل اللي ما عنده علاج باليمن والمرأة اللي طلعوها من بيتهه من فلسطين .. لا بد يجي يوم وكل ذي حق ياخذ حقه بإذن الواحد القهار ..
ما اعرف شلون يفكر هذا اللي هسه قرر يقاطع الانتخابات ؟ بعد كل هاي الدماء والتضحيات وبصيص الامل بالتغيير "مهما تكول الانتخابات مو نزيهة .. بس مستحيل كلهه تتزور .. اكو نسبة تزوير ونسبة واقعية حتما"
زين شنو البديل العندك ؟ شلون تريد تغير الفساد ؟ تسوي ثورة مسلحة لو تسقط النظام وترجع للصفر لو هم تطلع توكف سنة بالشارع والسياسيين ياكلون چلّفراي ؟ لو نظل نتبچبچ بالفيس من يصمطنا الحر كل صيفية ؟
يعني انت تنتخب او ما تنتخب فالانتخابات تبقى شرعية .. مجرد صوتك راح يروح وتبقى الحكومة شرعية حسب الدستور وحسب القوانين
مطالب التظاهرات جانت قانون انتخابي جديد وتغيير الحكومة ومحاسبة القتله الخ .. وعدة اشهر نسولف بيهن هنا وفرحانين بالانجازات وننتظر تجي حكومة نزيهة تقدم القتلة للقضاء
يعني هسه تم اكتشاف اكو سلاح منفلت ؟ اكتشاف جديد هذا ؟ لو شنو صار بالجديد ؟
اكثر عبارة صفنت عليهه ببيان المرجعية هي "تدعو الشعوب الحرة
ما كال المتدينة ولا المسلمة ولا الانسانية ولا الخوش اوادم ..
كالعادة .. شكد دقيقة باختيارهه للمفردة
مشكلة هذا اليخلص عمرة بالمنطق والاصول والبلاغة والنحو .. كون تصفن عليه من يحجي كلمة كلمة
رد مع اقتباس