هنا

[الملاذ الاخير]

هية غير افراحنا انعزت علينا وصارت بحكم العدم ..

[مـصطفى]

هية غير افراحنا انعزت علينا وصارت بحكم العدم ..

شعب هلكد يحب الموت

[مـصطفى]

الانتماء .. او العقيدة السياسية .. او الخط الفكري لا يشفع لك حتى لو كان مطابقا للحق

ما اعرف ليش اكو ناس عبالهه اذا انتمت لخط يعتبروه صحيح يعني اخذوا صك الغفران في بقية الجوانب

تعليقاتهم غير مؤدبه .. سلوكهم منفّر للاخر .. يتكلمون وكأن الحقيقة في جيبهم الأيمن .. يكيلون التهم للاخرين بدون تثبت .. وبعضهم اذا تطّلع عليه بشكل قريب تشوفه لا ملتزم بدوامه بمجال عمله ولا منطيه حقه ولا يخلو راتبه من الحرام والاشكالات الشرعية

ويجي بالفيس بوك عوزه يشگ زيجة ويلطم على جهل الناس ونفورهه من الحق والدين

يا بوية انت واحد من اسباب نفور الناس من الحق بعد عليمن ضايج ؟!

[مـصطفى]

الفيس بوك والصفحات مرّضت الوادم وعلي

تحس الناس لازمه سجاجينهه وكاعده تتاني باقل فرصة واحط يحط سجينته بگلب الثاني

واحد باسم الوطنية منچلب عالوادم
واحد باسم العقيدة متسودن علينا
واحد باسم الحرية يخيط ويخربط

هاي متنحل .. اصلا جاي تزيد ويغذيهه الجهل والتعصب والغباء واموال الخارج والجيوش الالكترونية والمدونين المبيوعين والناس اللي حجاية تجيبهه وحجاية توديهه

[مـصطفى]

عندي شغلتين لأفراغ ما في ذمتي بخصوص برنامج طنب رسلان

الأولى هو لو شاعر المقاومة عاR وخنيTh
وعلي المنصوري شجاع وزلمة معدل

لو البرنامج تمثيل وهم معناها شاعر المقاومك عاR وخنيTh لأن ممعقولة يمرغل بكرامته علمود جم فلس لو تمثيل

الثانية هو صراحة مادري ياهو الغثيث اكثر برنامج طنب رسلان لو الإعلان الي بالنهاية مال علي وجيه وصوته الأجش الي عبالك بلغم حاشر بصدره

[مـصطفى]

للتذكير
سبايكر .. جريمة العصر التي حولت نهر دجلة الى اللون الاحمر حتى غصّ الماء بجثث اولادنا وشبابنا
لم تتبنى اي جهة اعلامية "وطنية" او "سياسية" او "قندرچية" تخليدها - رغم كل الوجع والتفاصيل والقصص التي رواها الناجون منها - حتى يومنا هذا
"وينشد فضيض الماي شتشوف؟
ماي وسِعِد وعيون وچفوف
ومچتوف لاذ بإيد مچتوف
والروج مغزل يغزل زلوف" ..
يراد لها أن تُنسى ..
البيت ل
عامر عاصي

[مـصطفى]

تروح للضريح تدخل وتزور تبوس الشباچ وتضربلك ركعتين وتطلع تشتري دهينة من المصطفى نص كيلو ب3 ونص وترجع للبيت....

مفهوم الحسين عند بعض الناس

[مـصطفى]

الدعايات الانتخابية حالها حال مراكز المساج
المراكز من تشوف اعلاناتهم هم رخيص وهم نسوان يطگن بالگاع ومن تروحلهم تنقط لو تصير نبي بحجة عروض خاصة وvip والسياسين هم قبل الانتخابات يجيبون بهالقطع الزينة ويبقون يستعرضون بيهن وتروح تنتخبهم وبالاخير كلشي ماتحصل تلكه وحده بالبرلمان تمثلك مثل عالية نصيف لو حنان الفتلاوي لو ماجدة التميمي وتختفي الموخرات الكبيرة هههه لان بعد مانفيد سالفة البطانية لو ربع الدجاجة....

بس شوف الوردي شلونها النصبة مالته افففف

[مـصطفى]

الي شاف لقاء الأمير الشاب راح يعرف الفرق الكبير بين رجل سياسي طموح ومحنك وبين العتاگة الي يحكمونه مو بس الحاليين اقصد تاريخ العراق من قاسم مروراً بالعوارف وصدام لحد الآن، الرجل يفكر بالمستقبل ورؤيته للبلد بعد 50 عام وينطيك الاهداف والنتائج اللي حققها بالأرقام الدقيقة
بس اكثر شي احزنني باللقاء سأله المذيع الناس يكولون ليش سعر البانزين غالي واحنا بلد غني؟
گال شتقصد بجملة بلد غني؟! كاله يعني بلد نفطي
جاوبه العراق والجزائر أيضاً بلدان نفطية هل تعتبر غنية؟!

+ سأله عن سجن المتطرفين من المشايخ
گال اذا استمر الخطاب المتطرف راح تتوقف عجلة النمو والبناء والرفاهية الترجمة
( الي يوگف بطريق التقدم ينعلس لو تقدم لو ارهاب )

وسأله ان الناس متخوفين من انفتاح البلد؟

جاوب احنا دستورنا القرآن... وجاب حديث فضفاض اللي هو حديث الزانية اللي جائت على النبي علمود يقيم عليها الحد وأجلها حتى تلد ورجعت مرة ومرتين ... الترجمة
( احنا دولة مسلمة بس ماكو تطبيق شريعة وحدود هذني انتهى وقتهن)

ونقاط أخرى هواي بس مابيه حيل اكتبهن او نسيتهن

[مـصطفى]

هذا اكو واحد من معارفنه يگول
شوف اگلك

انا ما اعترف لا بالجنة ولا بالنار ولا بالموت شلع ولا اعترف بأي دين واساسا الثوابت الدينية والنصوص اغلبهه تحتاج تغيير جذري وعندي الاله عبارة عن رمز للعدل لا اكثر وطبعا من اكول العدل اقصد العدل من منظوري مو منظوركم الشرقي الذكوري الچلب ! والانسان من يموت ممكن يتحول الى وردة او سماد او باگة جت حسب المكان المدفون بي

بس اذا متت وما كلتوا علي الله يرحمه او واحد منكم نبص وكال الله لا يرحمه .. مشكولة ذمته وانا خصيمة بيوم القيامة

هلو
هاي شني هاي
هاي شني هاي
هاي تره غير شغله هاي