هنا

[مـصطفى]

يمعودين ترى أحنا جيل بيكي بلايندرز وكيم اوف ثرونز وهاوس اوف كاردز وشارلوك ولوثر وديسكتر وبك بانك ثيوري وترو ديتكتف و وست وورلد

جايين تبيعون علينا فايروس واحد زائد واحد و العرضحالجي والفندق وحامض حلو ولخة وغيرها على جيل يترجم ويعيد الانتاج ويؤلف موسيقى تصويرية ويتابعون اعمال مخرجين كبار وناشطين سينمائيين في كروبات ضخمة وفخمة كتجمع افلام العراق او غيره من التجمعات ..

أبشرفكم اما بطلوا او قدموا شي يليق بالفن

أبشرفكم ...



يمعودين

[مـصطفى]

اني مااحب المناسبات العامة، قليل الحضور بالزفات، الفواتح، وغيرها.. بس احضر المناسبات الخاصة والقريبة عليّه حيل،ومن احضر بهالمناسبات الكه اكثر الناس التنتقد بالكعدات او سويشل ميديا ويحجون عود بجهل الناس وتخلفهم الكاها بهيج مناسبات يطبقون شكو سالفة انتقدوها بحجة انهم فرحانين من ضمن هالممارسات اطلاق الرصاص الحي، يعني يخلص مخزن من مسدس مالته وهو دائما بسوالفه عبالك هو مصلح اجتماعي والرجل الاول على المجتمع..

النفاق الى متى يمعودين

[مـصطفى]

وانت تلعب بوبجي او تمشي بالشارع او تتصفح النت راح تقابل هواية ناس،

هذا اليشمر بالحجي وماعنده لا قيد ولا عارض او مانع من أن يكول اي شي بباله وهذا تربية كوفيات

المتشدد ومايعرف يعيش مخلص حياته مضايق الناس بعيشتهم وكلشي عنده حرام حتى مايخلي عطر حسباله حرام وهذا تربية عمايم النص ردن جماعة اليبلشون وي اطفال بحفظ القران وتطبيق الدين... والنهاية معروفة

اليعرف كلشي والهوه الصح واليحجي بالماركات والدول الفلانية هذا تربية النت

صاحب مهنة وشاطر، هذا عنده مهنة ويجيب الزاد لعائلته بمجهوده هذا تربية مجتمع، وكثير من الاشخاص

مع الاسف بهالكوكب كلشي يربي ويعلم الفرد ماعدا المسؤولين عن التربية

ياريت واحد يكول للمتزوجين ان عدهم واجبات اخرى غير النكاح وعمل مجمع مال اطفال وشكرا

[مـصطفى]

الحزب الشيوعي العراقي
ماباقي شي وينقرض
اخر كسب للحزب الشيوعي كان قبل 40 سنة
والباقين عوائل دينصورات الحزب

يمعودين اعلنوا حل الحزب شيبتو وعلى گولة اسراء العبيدي ايچتو

[مـصطفى]

* تفريق مهم جداً *

أكو شي اسمه "البِدء"
وأكو شي اسمه "الإستدامة"

الي البدء مالته نبيل أو مقدّس مو بالضرورة أن يحافظ على نُبلَه وقدسيته " استدامةً "

فمن اتحدث وياك عن فساد شيء الآن ،ليس من العقلانيّة أن تحدثني عن صلاحه في البدء!!!

[مـصطفى]

اليوم بكلاب هاوس نتحدث عن مقاطعة الانتخابات, والنقاشات بين مؤيد ومعارض, واحد من المودريترز.. المفروض مثقف وعلماني وينادي بالعلمانية.. (طبعاً ماعرفه منو بيهم) كَال مؤيداً بليغ ابو كلل الي سولف عن ضرورة الذهاب الانتخابات لتجنب الخراب.. اكرر: سمعته يكَول تأييداً لابو كَلل بما مفاده"فعلاً صح, بس غير الملحدين الدرنفيسيين روجوا للمقاطعة في الانتخابات السابقة".
الاخ العلماني المنادي بالعلمانية, في لحظة لواكَة عالية اللحس للمسؤول حتى يبينله هو متفق وياه, قرر يترك ملامة الاحزاب بخراب العراق, ويشمرها بروس الشعب .

هههه..

ياعمي انتو نص علمانيكم زباله .
روح انتخب.. الف عافية.. بلكت ماكو خراب بجال الحكمة وعمار الحكيم.

[مـصطفى]

أكثر المفردات الي تتقزز منهن إذني بالعصر الحديث هنّ:

1- الفمنست
2- "سوف لن"
3- الإصلاح

[مـصطفى]

جهل + دين = ارهاب
جهل + حرية = فوضى
جهل + سلطة = استبداد
جهل + ثراء = فساد
جهل + فقر = اجرام
الجهل اصل كل المفاسد ، ومانعيشه اليوم في العراق ملخصه في معادلة : جهل + مجتمع = واقعنا (قتل،فقر،تهميش،عنف أسري،طلاقات ، قتل)..
- والسلام..

[مـصطفى]

أكو ناس عندهم فلوس بس مايعرفوا شيسوون؟
واكو ناس ماعندهم فلوس وهم مايعرفوا شيسوون؟
واللي يعرف شنو يسوي ؟!
ماتفرق عنده او ماعنده لانه راح يعرف شلون يجيبها من اللي فوكاه

هالفكره ذكرتني بكتاب قريته قبل كم سنه ،أسمه اغنى رجل في بابل ..
الكتاب كان كلش ممتع، يحكي عن شخص فقير كان حاله حال شبابنا يشتغل ويركض وممحصل شي الى ان اجاه رجال كبير اعطاه نصيحه من كم كلمه ، بحيث هالشخص صار بعدها اغنى شخص في حضارة بابل اللي كانت بزمنها من أعظم الحضارات البشريه..
كلش ممتع حاولوا تقروه .. مفيد ومسلي..

[مـصطفى]

التحكم في تفضيلاتنا الجنسيه / موضوع حساس لكن مهم..

أقسى أنواع الانحراف المزاجي للرجال وأصعبها في العلاج هو الانحراف الناتج عن الإباحيات..

طواعية، وبسذاجة وفضول القط الباحث عن المتاعب، شاب رجل مخدوع يسلم دماغه وأفضلياته المزاجية ونظام المكافآت في مخه لمخرج محترف وديكورات وممثلين وممثلات ومؤثرات فيلمية موضوعة خصيصًا لخداع العقل ورفع مستوى الاشباع لحدود غير طبيعية..
يُقال أن المخ لا يفرق بين الخبرات الحقيقية وتلك المعروضة في مادة فيلمية أو حتى مقروءة.. فالإحساس واحد..