هنا

[مـصطفى]

حبيبي أفهم مو لازم بكل موضوع تنطي رأيك
محد راح يحاسبك ويعاقبك إذا ماكتبت عن كل المواضيع
اكو مواضيع ماتفتهم بيه ماتعرفه ابقى مشاهد ياخي

بس العراقي خبير بالرياضه والأدب والسياسه والأقتصاد والفلسفه والطاقه النوويه وبتحضير الدولمة والنسوية واليسار واليمين والأشتراكيه والرأسماليه والليبرالية وبسيد خضير والدين والالحاد والثورة والمثليين والقانون وبكل شي موجود على الكوكب تحسه گوگل مو بشر حتى بالوضع الموزمبيقي يعرف

افتهمتي / افتهمت

رساله لنفرين بس

[مـصطفى]

اكو مغالطة منطقية اسمها "مغالطة رجل القش "
يستخدمها غالبا جمهور الاحزاب و مؤيدينهم بشكل كبير .

معنى هاي المغالطة هو انُ المقابل يستنتج
من كلامك فد نتيجة وهمية انت نفسك ما تقصدها ولا مؤمن بيها ويبدي يحاربها ويخوفك من خلالها
لان هو ما يملك طريقة يجاوبك ويرد على كلامك

مثلا تجي تحجي وي واحد وتكله التأمين الصحي بالنظام السابق فدشي راقي بحيث مرضى الامراض المزمنة ياخذون علاج لمدة شهر على حساب الدولة وبشكل دوري

هنا العينتين راح يكلك يعني انت تحب صدام و تريد يرجع البعث الي قتل وسفك دماء العراقيين بابشع المجازر !!
ويخرطلك عن تاريخ صدام والبعثيين الاسود

لك بابا اشتعلت روح صدام وروح البعثيين انت وين تحجي؟!
اني احجي عن ميزة الاشتراكية الجانت موجودة قبل
بحيث التعليم والصحة مجانية وبارقى المستويات مو مثل هسة كلشي بفلوس و وبمستوى هابط.!!

[مـصطفى]

تشارلز داروين يكول "البقاء للأصلح وليس للأقوى"

يعني المجتمع الاحيائي يميل للافراد الاذكياء الي يمتلكون صفات تتكيف وي البيئة اكثر من الافراد الاقوياء الي ما يملكون هذ الصفات

اليوم انتشار فايروس كورونا( covid _19) بكل العالم اشبه بعملية انتخاب طبيعي للبشر تحديدا وعلمود تعيش لازم تكون الأصلح"الاذكى" ولازم تلتزم بالتعليمات الصحية

*اتجنب التجمعات و الكوفيات والمطاعم كافة
*استخدم المعقمات الشخصية اذا تفتح باب الكية او اي باب
*قلل الطلعة كلش وحضر مخزن للاكل "مثل الوالدة"
*المدخنين جيبولكم تكة جكاير علمود لا تطلع كلش شوية
*يفضل استخدام سينمانا وباقي مواقع الافلام السينمائية

[مـصطفى]

على مدار التاريخ وكتب الالحاد محد اساء للاسلام بكد "المتأسلمين" بسبب جهلهم وغلوهم وافكارهم الاسطورية الي يعتقدون هي دفاع عن الدين لكن بالحقيقة هي مصدر نفور واشمئزاز من الدين .

عبد الرزاق جبران بواحد من كتبه الوجودية يكول :

"لقد تكلم الفقهاء اكثر مما تكلم الوحي" اغلب الفقهاء والرواة
شوهوا الدين بأساطير بعيدة عن جوهر الدين و مفهومه الي يأكد عليه النبي " استفت قلبك لو افتاك الناس وافتوك "

"اذا ردت تدمير فكرة دافع عنها بطريقة ضعيفة"

عساها بحظك وبختك سارتر

[مـصطفى]

إلحاد،
مصطلح Atheism يأتي من الأغريقية A_Theos وتعني بدون إله ،،،
وقد كان المصطلح يطلق على عديمي الأخلاق.

ثمَ ماذا !
ثمَ أن هناك دراسة توضح أن الملحدون لا يثقون في أخلاق الملحدين،

تعازينا لهم.

[مـصطفى]

المثل العراقي الي يگول"من قلة الخيل شدوا على الجلاب سروج وفي رواية اخرى الحمير "
هالمثل ينضرب بانعدام الشيء الجيد وعدم توفره
والرضا بشيء سيء ورث الى ابعد الحدود
فعلا مثل رهيب وينطبق على الواقع العراقي بامتياز

مثلا العراقي الي چان عنده ذائقة فنية وجمالية بالبناء هسة كام يتقبل شكو شي مضر للعين
العراقي الي چان بالكوة متقبل ناظم الغزالي هسة متقبل سعدون بكل رحابة صدر هههههههه

[مـصطفى]

ظهور حالة جديدة، أسموها عُلماء النفس بـ مُتلازمة فلاسفة العصر..

وأكدو العلماء أنَ هذه المُتلازمة متواجدة ع المنصة الفيسبوكية فقط، ولا أثر لها ع الواقع.

وأكدو أيضًا أنَ المنصة الفيسبوكية تضج بأصواتهم وجمل يرددونها دائماً بأستمرار (بئسًا لقد كثرَ الحمقى، تبًا أنا اكره الأغبياء، والخ)

عمي لا آحد يرتقي خلينا بالقاع احسن النا

[مـصطفى]

أُختاه الأنوثة الحقيقة لاتكمُن في (التنعوص)
مصعت-اهمت-مهمت..
ولا
دا آكوول (آكل)-داآروووح (أروح)-كووولش (هنا تكرر حرف الواو تقريباً
٤ مرات)

أحچي طبيعي، بدون تصنع بس حتى تبنين انتِ واو شگد أُنثى، (وتذكري كُل ما تصنعتي اكثر كل ما صرتي مضحكة أكثر)

الأنوثة الحقيقة تشتغلين ع دماغچ تكونين ذكية الچ كيانچ وأحترامچ بين الناس، يحترموچ لذاتچ مو لأن (تتنعوصين)

(الأنوثة مو بسوالف النعجة المخنوگة والله)

[مـصطفى]

العراق لن يكون مدني علماني بتجمعات تظهر لتقود دراجات هوائية،
او تعمل على تنظيم حفل راقص فتأخذ صداها لمدة يومين وينتهي الامر كأنه شئ لم يكن.
فجمهور هذه المحافل غالباً يكون من مناطق راقية نسبية مقارنة بغيرها،
وبتالي لم نجدد في عقلية المناطق المنكوبة اجتماعياً.
نحن نحتاج الى حكومة تفرض هذه المدنية وتحجم دور القَبيلة،
وبما ان الناس على دين ملوكها وملوكنا يشرعنون القَبَليَّة تحت قبة البرلمان
سنضل نعاني الى ان يفرجها الله.!

[مـصطفى]

من تجيب دراسات علمية من سوك مريدي..

بعد اكو ناس مصدكة بالحيادية العلمية بالدول الغربية, وانهم ربهم دينهم العلم..؟! استلم العلم على اصوله:
هنالك علاقة علمية بين ضعف الذكاء ورهااب المثلل.يه..
لماذا تعتبر العلاقة بين الذكر والانثى مضرة لنا..؟
بالبداية كان اضطراب, بعدين صار ضغط لاعتباره توجه طبيعي علميا, وبعدها صار اليعتبرهه غير طبيعية وينتقدها يصيحوله مريض نفسيا بمرض رهاب المثل..يه, وبعدها اكتشفوا مضار للعلاقة الطبيعية (بين الذكر والانثى) والتطور العلمي الاعور مستمر بعد وبعد, لحدما الطبيعيين يطلعون يطالبون بحقوقهم..
طريقهم نفق مظلم بلا مخرج..