هنا

[مـصطفى]

تتحدد هوية الانسان بما يحمل من مبادئ والمبادئ لا تتجزأ

لذا ان تأييدك لسياسات اسرائيل الخارجية تحت مبدء انها تعمل لمصالحها الشخصية وينعم سكانها بالرفاهية يجب ان تصاحبه بتأييد لسياسات ايران والسعودية وتركيا فكلها تعمل على نفس المبدء الغير مراعي لحياة الشعوب الاخرى.

اما تأييدك لدولة دون البقية فانت متناقض ومنحاز لفئة معينة وعنصري تجاه فئة اخرى وفاقد للموضوعية والمنطق السياسي

[مـصطفى]

ما اجلد المجتمع على اساس مقارنته بالمجتمع الغربي بأعتباره المثل الاعلى لأن ماكو قانون يثبت ان كل ما يفعله الغرب هو الصواب المطلق وعلى باقي المجتمعات ان تحذوا حذوه

لكل مجتمع ثقافات وقيم تميزه عن بقية المجتمعات وتحدد هويته الواجب الاعتزاز بيها لا جلدها فقط لعدم مطابقتها مجتمع ما، مع استيعاب ان العوامل الي اسست القيم والثقافات تختلف من بيئة لأخرى ومن الخطأ المقارنة بينها لتحديد الافضل عدا القيم الانسانية المشتركة.

[مـصطفى]

احترم خصوصية الأديان والمذاهب بممارسة الشعائر والطقوس طالما هي بعيدة عن اذية الغير بالأخص الأطفال.

لكن ما احترم مدعي العلمانية بمجاملة المجتمع الي رافضة من خلال مشاركته بمناسباته الدينية والمبالغة بالأنخراط بطقوسه والخلط بين الهوية العلمانية والدينية بحجة ان العلمانية تدعوا للأنفتاح على الجميع.


لن نعزز الهوية العلمانية ونثبت وجودها في العراق طالما الكثير من العلمانيين يعانون من الأنكار ولا يمكنهم الأنسلاخ من تربيتهم الدينية ويشاركون في طقوس يدعون عدم ايمانهم بها ولا بقدسيتها

[مـصطفى]

كيف لك ان تلوم الهاً لا تؤمن به على كل ما يحصل من جرائم انسانية وكوارث طبيعية وهو في اعتقادك مجرد فكرة من صناعة العقل البشري ولا وجود له اساساً.!

ان الملحد لا يحمل سوى فكرة الاله المتفرج العاجز عن منع الشر وكأنه يتخيل عالم من الفنتازيا يتدخل الاله كالابطال الخارقين في اللحضات الاخيرة لمنع وقوع الكارثة وهذا ايضاً يتنافى مع منطقه.

ان فكرة الاله في العقل البشري المؤمن هو القادر على كل شيء اما صفة العجز فلا يمكن ان تكون في اله لذا اما ان تؤمن بوجود القوة الخارجية التي تتحكم بكل شيء وما ان لا تؤمن بها اساساً في السلم والحرب واثناء وقوع الكوارث فمن السذاجة ان تعاتب الهاً غير موجود على الشرور التي يقوم بها جنس البشر وتنكر وجوده في كل شيء اخر.

يقول بوذا "لا تلعن الهاً لا تعبده"

[مـصطفى]

مره صعدت وي حجي ابو كية انفتح موضوع سياسي كتلة حجي كل الجاي يصير بينا سببه صدام
گلي عمي كول يا الله بعدين انته وين ملحك على صدام جان يوزع عشرين نوع بالحصة سكتني

رجعت كتله حجي تدري هو الصوج بيمن
كلي بيمن
كتله كلة من ورة منعول الصفحه عبد الكريم قاسم الي سوه الانقلاب على الملكية
كلي عمي انته شتعرف على عبد الكريم قاسم هذا الشخص نزيه و امين ونص العراق بناه على أيده
گتلة حجي انته يا مواليد گال مواليد 66 كتلة حجي عبد الكريم قاسم اغتالوا بـ 63 انته وين ملحك علي
گلي انته تروح للعلاوي لو للبياع كتله للبياع گلي بعد خمسمية

هسة أني ما ضايج على استصغارة إلي ولا على العراق ولا على عبد الكريم قاسم ولا صدام ضايج على الخمسمية الراحت

[مـصطفى]

هو ليش مقدمات فقرة الطقس في بعض القنوات العراقية لبسهم يشبه الى حد كبير لبس "فتيات المواعدة" الدرجة العاشرة.
يا عيني هذا تلفزيون، يعني ملايين المشاهدين يعني عوامل متكاملة، ميرهم ما تصرف للصورة حتى تضمن مادة صورية براسها حظ.
مادري القناة تجبر المقدمة على ستايل معين لتبدو مثيرة بستايل مخربط ؟!
طيب هل يتابع مدير البرامج والاخبار بقية القنوات العربية والعالمية ويشوف نوع الملابس الي تلبسها المقدمات؟!
هل سامعين بشي اسمه ستايلست، يفترض يستعينون بي ليختار للمقدمات او يساعدهم باختيار ملابسهم او يدخلوهم دورات تحسن من اختيار ملابسهم.
اقصد حتى اذا رادو يعتمدون الاثارة لجذب متابعين اكثر لقنواتهم، فممكن تكون مثيرة وبملابس مرتبة.. نظيفة.. متناسقة.. مكوية.. ماتريال القماش حلو يكعد عالجسم، يعني اثارة كلاس افضل بكثير من اثارة چييب كانو طالع ببث حي من احد ازقة اقليم الطوايل .

[مـصطفى]

وحدة من مشاكل العراق ثقافة تمجيد الموت، واغداق المدائح والاوصاف البطولية والتقدير للميت/الضحية، هذا ما جعل الشباب يتراكضون بلا وعي لحتفهم، وبالتأكيد شجع كل السلطات دينية او ايدلوجية بالاستمرار في ممارساتها العنيفة تجاه المجتمع.
لعد بشرفكم هل هي طبيعة سوية ان تودع الام ابنها بالهلاهل لقبره.. او ان يسمح الاب والام لاطفالهم بالانخراط في مجاميع مسلحة لغاية سلطوية ويحتفلون بي، المتاجرة بالحزن ضد الطبيعة البشرية السوية، وما نحن فيه من تمجيد للموت مرض اجتماعي خطير تروج له السلطات انتبهوا

[مـصطفى]

عاجبني افصل قميص حرير وبي ياخة چبيرة وبنطرون ابو الكسرات

مدري عليمن جبناهه بصوت اسرار

[مـصطفى]

-شنو رأيج بالمجتمع ؟
-ذكوري ، رجعي ، متخلف ....
-طيب كصداقات منو أصدق ؟
-اكيد الرجال !
هاي شنو هاي؟ ترى غير شغلة هاي !

[مـصطفى]

الدنيا تمشي وما توكف على احد ، وراح تتفاجئ ان إلي جنت مفكر مراح تكدر تعيش بدونه ، راح تعيش أحسن من بعده ، وراح تعرف لا اكو ناس غالية ولا اي شي، إنت بس الي تبالغ بتقديرك إلهم ، وراح تعرف ان بعض الناس خسارتهم مكسب إلك مو خساره
أبداً !
إعرف قيمة نفسك وحب روحك وارسم طريقك وهدفك وخلي كدامك ، ولا تضغط على نفسك ولا تنتظر خير من احد ولا تتأمل
إحنه نشكركم لأن الناس إللي مثلكم تنطينه دروس وعبر بالحياة ، كأن ربنا كاعد ينور بصيرتنه بيكم ، وهيج هيج وجودكم مثل عدمه..

أما بعد
‏‏تمسكنا بما يكفي ، أهلاً بالتَخلي..