اكو فد واحد ملحد صارلة اربع ايام يبرر ويوضح ليش السيد انطى فتوى عمي والله افتهمنا ميحتاك هيج تذبح روحك دكاافي. حتى الشيعة ما سووا هيج بالفيس ماكدر انطي رأيي انطوني تحذير ، اجيت هنا ما ابقى اكدر ضامهااا.
اكو فد واحد ملحد صارلة اربع ايام يبرر ويوضح ليش السيد انطى فتوى عمي والله افتهمنا ميحتاك هيج تذبح روحك دكاافي. حتى الشيعة ما سووا هيج بالفيس ماكدر انطي رأيي انطوني تحذير ، اجيت هنا ما ابقى اكدر ضامهااا.
من تشهگ آخر شهگتين بالحياة الدنيا وتموت؛ راح تعرف قيمة الآخرة وكيف فرّطت في جنب الله تعالىٰ! أفضل الحلول: تقوىٰ الله ومراجعة الحسابات!
من صارت ابادة جماعية لاكثر من الفين شاب لسبب طائفي قذر ..
ومن جانوا يستعرضون بالسلاح بالشوارع ويصيحون قادمون يا كربلاء لسبب طائفي بحت
ومن سقطت وحدة من اكبر محافظات العراق برمشة عين
ومن تم تسقيط الجيش العراقي واهانته ع مدى سنين ايضا لسبب طائفي حتى انهم سلبوه وأفرغوه من الوطنية فما عاد جيشا وما عاد عراقيا .. بل هو جيش الهالكي الرافضي
هذا كله صار وما اذكر احد نزل منشور "ستأكلنا المذاهب ورجال الدين"
بس بيوم الفتوى .. وهو اعظم يوم في تاريخ العراق الحديث .. التي انقذت العراق من براثن التطرف الديني والإبادات الجماعية وهتك الأرض والعِرض .. الجماعة خافوا لا تاكلهم المذاهب ورجال الدين ؟!
"ما ينعدل حچيك .. درب بين گبور"
اكو خطاب طائفي ويبث ع كراهية اكثر من هذا ؟
اكو خطاب مأزوم من شخصية رسمية بالدولة وتسمعهه الشخصيات العربية اسوأ من هذا ؟
اكو تضليل اعلامي "مثل التضليل الصار قبل دخول داعش" انگس من هذا ؟
اكو كذب واستهتار وعجرفة ودفع باتجاه الاحتقان الطائفي وربما المواجهة المسلحة اكثر من هذا ؟
وين الحكومة عنه ؟ وين المسؤولين عنه ؟ وين القضاء عنه ؟ وين المدونين عنه؟ ليش ما يصير نبذ هذا الرجل بخطابه المستهتر هذا رأي عام ؟
بس لا البشير يجيبة مرة ثانية يقابله كممثل عن المدنيين والديمقراطيين بالعراق يحششون عالعمايم والمتدينين..
اذا هذول المدنيين مالتنا لعد السلفيين شلون صايرين
مو بس الشايل سلاح خارج سلطة الدولة يمثل اللا دولة ..
اذا اعتبرنا ان "الدولة = القانون "
فأي واحد يخرج عن القانون فهو يمثل اللا دولة "ولو بالجزئية التي يخرج بها عن الدولة او القانون"
فكل واحد يحمل سلاح غير مرخص او غير خاضع لقوانين الدولة .. هو لا دولة بهذا الفعل
كل موظف يطلع قبل الوقت او ما يعرقل مصالح المراجعين فهو يمثل اللا دولة ايضا
كل طبيب يتجاوز قوانين نقابة الاطباء ووزارة الصحة وما يحضر خفاراته كما يجب او يگضي شغلة براس غيره هو يمثل اللا دولة
كل سايق سيارة يمشي رونگ سايد او ما يلتزم بقوانين السير وضاربهه چلاق فهو يمثل اللا دولة في فعه
كل واحد يغش بالامتحان ويدوس قوانين التربية والاخلاق بالنعال .. هذا يمثل اللا دولة
كل سياسي او صاحب منصب او مسؤولية متهرب من مسؤوليته وما يأدي عمله كما يفترض القانون .. فهو اللا قانون .. او اللا دولة ايضا
كل مدون او اعلامي او تاج راس جديد شجع او وقف مع اي حركة مسلحة خارج الدولة والدستور او شجع فعل لا يقرّه القانون .. فهو ضمن اللا دولة
كل قانون تتجاوزة بسبب ضعف الدولة على تطبيق القانون فانت تقوّي اللا دولة وتقف في صفها
فكل واحد خلي يشوف نفسه شكد مستغل ضعف القانون قبل لا يجي يغرد عالوادم ويخبصهم خبص .. بالدولة واللا دولة
ولو الجمل ميشوف حدبته
اغلب المرات من تفتح يوتيوب يطلعلك فيديو ممول وحدة حلوة من عرب إسرائيل اسمها "سما شوفاني" تغني برنامج نفس ذا فويس
طبعاً هذا الحكومة داعمته علمود انت تشوف الفيديو وتستغرب واااو هم عدهم برنامج نفس ذا فويس وبي عرب!
وبعدين هذا الفيديو يطببك ع فيديوات أخرى يشوفك التعايش بين الــعرب والاسرائـيليين
كل هذا بدعم حكومي للترويج ان دولتهم بيها عدل وتعايش
و بالعراق عدنه اعلامي اسمه رسلان يجيب الضيف يلبسه حزام ناســف ويفجر عليه 6 عبوات 200 طلقة ويشبعة كتل علمود يروج للقوات الأمنية
اختلاف ثقافات
بعض الذنوب تسلب توفيق الإعتبار من الانسان ..
لهذا تشوف دفان يمارس الرذيلة وهو يحفر قبر احدهم .. وطبيبا استولت عليه المطامع وهو يقف يوميا على مريض يصارع الموت ..
ومريضا على شفير الهاوية .. لا يفكر الا بما هو زائل وباطل ..
ربما اخطر مرحلة من مراحل الغفلة هي ان يرى الغافل العِبر .. بل يتشبّع من العِبر .. ولا يعتبر !
من البارحة لحد الان اني اقرا واتابع وثائقيات عن حسين كامل المجيد واكول شنو جان تغيير لو ناجح التمرد مالته وكاسب القوى الدولية وقوى المعارضة ؟
بَــس شفت ان هذا الرجل غبي وحتى الاطراف الي رادت تسانده عافته لان شافته غبي
غبي كان غبي لدرجة كبيرة وإلا ويــن اكو أمان بزمن صدام حسين كان من المفترض يستمر بمشروع المعارضة من الخارج، لاسيما وان كان بحعبته معظم أسرار الدولة العسكرية من ضمنها أسرار البرنامج النووي لكن ماكان يريد تغيير لمجرد ان صدام لازم يتغير جان يريد يصير بمكان صدام فلهذا المعارضة والمجتمع الدولي مارادو
إن من أكثر المنشورات التي تغث خلال هذه الفترة هي من نوع:
العالم مابعد كورونا
التحولات الكبرى في النظام العالمي بسبب كورونا
كورونا والنظام العالمي الجديد
كورونا والاقتصاد الجديد
كورونا والتحولات المكوناتية في طبق الدولمة
كورونا وسمك الصبور في البصرة
وهكذا بأسلوب العرافات والمشعوذين تطرح التنبؤات ويعاد نشرها واجترارها. وفي نهاية المطاف لن تبقى سوى الدولمة والصبور.
المشكلة في التنبؤات هي بأنها لا تعرف حدودها الخاصة وتتلصص على كل شيء ولكن لا تميز أي شيء.
نعرف بأن التنبؤ في العلم ناجم عن آلية التفسير للمقدمات التي تطرح النتيجة (التنبؤ) كسبب للتفسير بشكل مطّرد وبالتالي وثوقيتها، ك تنبؤات الطقس أو مآلات التفاعلات الكيميائية.
أما القضايا الفكرية والفلسفية ف النتائج المترتبة على المقدمات لا تعتبر كتنبؤ لطابعها التجريدي الذي ينجم عن التعامل مع مشاكل مركبة حد الصداع، وبالتالي كون النتائج مجرد وجهة نظر تحتاج إلى خطوة تالية من التحليل وخطوة ثالثة ورابعة إلى ما لانهاية.
لذلك يقولون بأن الحدث لا يُحتوى بكليته بل يُضاء من هنا وهناك ويتوقف على المنهج والرؤية وجهة النظر.
وإذا أدخلنا منظورات فلسفة الاختلاف ومابعد الحداثة فلربما نصل إلى جدار يصعب هدمه للذين يتعاملون بتساهل مع المسائل الفكرية في عملية فهم وتفسير الحدث.
إن التعامل التقليدي مع الوقائع والأحداث لن ينتج لنا سوى الخيبة والفشل في مواكبة ما يطرأ ويستجد.
واحدة من أكبر المعضلات الي يواجها أي ملحد من تدخل وياه بنقاش ،
هي شنو قيمة الحياة؟ شنو معنى الحياة؟
المؤمن بوجود رب ووجود عالم آخر بعد هاي الحياة ،
وبذاك العالم راح يتم معاقبته او مكافئته عن أعماله
هذا قطعا يشعر بقيمة حياته ، (حتى لو كان هذا اعتقاده وهم بس هو مصدگ بيه)
لكن المهم هو يمتلك مجموعة أفكار تخلي لحياته معنى
معضلة الملحد ان كل أفعاله وطموحاته وتحركاته محكومة بالعبث و العدمية ،
حياة الملحد حياة جافة بلا نقاش ، حياة مابيها معنى
الملحد ما يگدر غير ان يگول ( انا مجرد غبار كوني )
وعلة وجوده (ملايين من الأخطاء المتراكمة) ، ونهايته الحتمية الموت والعدم !!
والعيش والحياة ما بيها حكمة ولا أي هدف !
الملحد الحقيقي الي بالفعل يفكّر فحياته عبارة عن عذابات مستمرة ،
شنو قيمة ان يبذل 30 سنة من عمره بالتعليم؟ حتى يموت بعدها ب20 سنة؟!!
شنو قيمة ان يتزوج وينجب؟ حتى بعد ما يكون عائلة يتعلق بيها ويبذل حياته علمودها ، يروح للعدم ويصير جيفة متفسخة بعد 10 سنوات او 30 سنة؟!!
ويترك هاي العائلة الي تعلّق بيها؟
بيمنا المؤمن، يجعل الإيمان له قيمة في كل شيء،
زواجه ، انجابه ، ممارسته الرياضة ، حتى دخوله للتواليت فله آداب تجعل له قيمة
حتى الابتسامة بوجه الآخر لها قيمة ،مساعدة الفقير ،النوم،السباحة اي شي في الدين ممكن يكون باب لمعنى عظيم مبهج للنفس
يأتي الإيمان ليجعل لكل سكنة في حياة الانسان قيمة وأهميّة وباب للثواب والجزاء في العالم الأبدي الي راح يتلو هذا العالم
وأعيد و أكرر حتى لو كانت اعتقاد المؤمن وإيمانه مو صحيح والدين كذبة-من باب التنزّل- ،
لكن يبقى المؤمن يمتلك ملايين الأسباب والمعاني لكل شيء في الحياة
على عكس الملحد الي ما يگدر يلگه ولو سبب واحد يخليه يعيش او يحس بقيمة حياته !
فلو كان هناك ملحد حقيقي ومتأمل فيما يلزم من الحاده لكان الافضل له الانتحار والذهاب للعدم المحتوم الي أول وتالي هو رايحله
رد مع اقتباس