4 وصفات لعمل عجينة صلصال اللعب للاطفال
عجينة اللعب الطبيعيه,عمل عجينة الصلصال فى البيت,طريقة عمل الصلصال المنزلى الامن,بلاى دوغ
1- وصفة عجينة لعب الصلصال الطريه
وفيها بتفضل العجينه طريه ولينه وسهلة التشكيل ومش بتنشف بسرعه وبتفضل لاسابيع شغاله وممكن تستخدميها كوسيله للطفل فى عمل اشكال تعليميه وحروف
المكونات
1 كوب دقيق
1 كوب ميه
نص كوب ملح
1 م زيت نباتى
نص م كريم تارتار
امزجى كل المكونات فى وعاء وحطيه على نار متوسطه وقلبى اول ما العجينه تتماسك مع بعضها ابعديها عن النار ع طول
لماتبرد العجينه ابداى بفردها وعجنها على لوح مرشوش بالدقيق وبعدها ممكن يبدا الطفل يلعب بيها طول اليوم وممكن الطفل يشكل منها كرات واحبال
العجينه بتجف او بتنشف فى خلال 3-5 ايام
طريقة التخزين
خزنيها فى وعاء محكم الغلق لمدة 2-4 اسابيع داخل او خارج التلاجه
2- طريقة صنع عجينة اللعب البيتى بدون طهو او طبخ
1 كوب دقيق
ربع كوب ملح
ربع كوب ماء ساخن
ملون طعام (اختيارى)
اقلبى المكونات الجافه فى الميه السخنه وقلبى وادعكى العجينه على سطح مرشوش بالدقيق لمدة 5 دقايق
وممكن الطفل يعمل منها اشكال صغيره بقاطعات الكوكيز
وقت الجفاف
بيعتمد على حجم وسمك العجينه وممكن ينشف ف الهواء فى خلال 1-5 ايام
والاشكال الصغيره هتنشف اسرع لو خبزتيها على درجة 200 فى الفرن لمدة ساعتين
طريقة التخزين
ممكن تحفظيها فى كيس بلاستيك لمدة اسبوع
3- عجينة اللعب بالنشا
المكونات
1 كوب ملح
ثلث كوب ماء
نص كوب نشا
ربع كوب ميه بارده
حطى الملح وتلت كوباية الميه على نار متوسطه لمدة 4 ق مع التقليب وبعدين ابعديها عن النار وضيفى النشا وربع كوباية الميه البارده وقلبى وسيبيها تبرد قبل العجن والفرد
لو حسيتى ان العجينه لزجه وبتلزق فى ايد الطفل مكن تضيفى شوية نشا
4- وصفة عجينة اللعب بببكربونات الصوديوم(البيكربوناتو)
كوب نشا
2 كوب بيكربونات صودا(بيكنج صودا)
ربع كوب ماء
بتقلبى كل لمكونات وبتحطيها على نار متوسطه مع التقليب المستمر لحد ما العجينه تتجمع
وبعدين افرديها واعجنيها على ورق خبز او مشمع
يا رب ينال اعجابكم
رد مع اقتباس
