مو أي واحد راح تكَدر تبجي كَدامه،
ولا أي واحد تكدر تخابره بنص الليل يشرحلك وضعك ،
ويسمعك لساعات ويتحملك وانت مختنكَ وكاره نفسك والبشر ،
مو أي واحد تكعد يمه تحس نفسك كاعد بأمان وتحسه واحد من اهلك ؛
مو أي واحد يكدر يتحمل نفسيتك وعقدك الي بداخلك "
مو أي واحد راح يقبل يكافح وياك باحلامك ويساندك ويشجعك تحقق حلمك كأن هالحلم حلمه مو حلمك .
- مو اي واحد يكون لك سند حقيقي !
لازم تعرف تختار لحتى تكدر تكمل ، وانت تدري أن اكو وراك سند وتعرف انهُ اذا وكعت راح تلكه أيد ترفعك وتسندك وتكون وياك ع الحلوه والمرة .
مهما كانت مكانتك ، أسمك ، وصيتك ، لابد تحتاج شخص بحياتك بي هالصفات "
وهنياله الي عنده هيج شخص
المشاركة الأصلية كتبت بواسطة سيوران
