هنا

[ارجع يازمان]

امي خبزة عافيه ابذاك الحصار
امي يارحمه المشت فوك الارض

انطتنه كلشي وما تعرف الأعتذار
امي بالقران سورة و تنحفظ

جنه من نتمرض واحنه الزغار
ابعافيتها اتبادل اويانه المرض!

امي بالظلمه تصير النه المنار
تطرد الخوف وتخليه ينقرض

البشر عنده غرض بالانتظار
لكن امنه تنتظرنه ابلا غرض!

الناس يدعون وعسه ايصير القرار
بس دعاء امي الأبد ما ينرفض

بيش أوصف شجره تنطينا الثمار
وجنه تحت اقدامها ابطول وعرض

امي قبله وكعبه والحضره ومزار
يعني من الله انفرض حبها فرض
امي من الله انفرض حبها فرض
حسين االساعدي