قصيدة (( فنّيـة ))
احنا جنّـة زغــار نلعب بالتراب
واحلى لعبة الجانت الحليــّة ............. ( الغميضة )
و غير جنّـة نضوج من نكض كتاب
بس نكيّف لو درس فنيّــة
جنّــة نرسم نخلة باقلام الرصاص
و يمهة شط .. و سمجة .. ومعيدية
والمعلمة تكلنة هذا اهوا العراق
و من على السبورة ترسم هية
رسمتلنة الخير في دجلة وفرات
والكصب .. والحجي .. و مرديّة
و رسمتلنة الشمس تضحك للعراق
و ترست السبورة ست مهدية
و خلّـص الطبشور كالت رسمو هيج
و كامت من الطالبات ابنية
كالت اللوحة غلط ماهو العراق
لأن ماكو بالرسم بيرية
و ماكو مدفع لا سواتر لا هجوم
وماكو بالمرسم شكل سمتية
كالت لها : منين جبتي هالسؤال ؟
كالت امي تشتغل بعثية
و علمتني شلون احب صدام ابوي
وصار ابوي وحتى بالجنسية
صفنت الست صوفرت من هالكلام
و قفلت اهية من الرئيسي اخطية
مسحت السبورة رسمت مدفعين
ورسمت جنود اصعدوا سمتية
وبس رسمناهن دخلنا ارض الكويت
ومنها ماشفنة بعد فنيــــــة
خالد السعد
رد مع اقتباس
المشاركة الأصلية كتبت بواسطة سيد الكلمات
