خبيزات محشيين
بالنسبة للعجينة:
كاس كبير ماء دافي (كاس تاع 400مل).
فنجان شاي من الزيت.
ملعقة كبيرة خميرة خبز.
ملعقة كبيرة سكر.
3ملاعق كبار حليب بودرة.
ملح و فرينة حسب الحاجة.
طريقة التحضير:
اولا نحطو في إناء الماء+الحليب +الخميرة+الزيت+السكر و كاس فرينة و نخليها تخمر للمرة الأولى.لما تخمر نزيدولها الملح و الفرينة حتى نتحصل على عجينة طريةو نخليوها تخمر للمرة الثانية،ثم نقسموها الى 7 كريات و نحلوهم على شكل مستطيل ثم نحطو الحشو لداخل (الحشو اختياري) و نغلقو عليهم كيما في الصور و نحطوهم يطيبو (دائما الجهة لي نغلقوها نحطوها من تحت في السنيوة)ثم ندهن الوجه بالبيض و نزينوها بحبة حلاوة و الجلجلا ن و الزيتون.
الحشو اختياري(تقدري ديري شوية بصل مقلي مع صدر الدجاج و فروماج.او تونة او شكشوكة او لحم مرحي ...)
رد مع اقتباس
المشاركة الأصلية كتبت بواسطة Sky Legend
