قرأت بصفحة أحد الأصدقاء بالفيس مايلي..
من الخاص
اني صارلي تقريب ١٠سنوات من تزوجت وصار عندي ٤ اطفال وعايشة بأمان الله الحمد لله اني وزوجي واحد يحب واحد.بداية زواجي ورة سنتين من زواجي توفة والدي وطلعلي ورث ٢٠٠مليون الحمد لله فشتريت شقة بلكرادة كتبتها بإسمي فوالدتي بعد وفاة والدي نشلت من القهر عليه ضلت عايشة وية اخوية ماقصر وياهة خلال هلسنين كلها .شاء القدر والحمد لله على كل حال اخوي سوة حادث وتوفة هو أيضا بسنة ٢٠٢٠ .فورة الفاتحة اسم الله عليكم جبت والدتي يمي .وصار تقريبا سنة يمي محجة شي زوجي بس شوية شوية كام يتغير يطب ويطلع معكر وجهة ومومثل قبل .اخير شي نطقها كال اني ميصرفلي والدتج هنانة وكل وفتج مكضيته وياهة.اني بأيدي اداريهة .فكتله وهسة شتريد كال اريد توديهة لدار المسنين مو اول وحدة انتي .صارت مشكلة كبيرة بينة وعصبت .المهم هو راح يم اهله وصار ٦اشهر يم اهله ولا سأل على اولاده .رحت رفعت قضية علنفقة فكام يدزلي نفقه والمشكلة لايرضة يواجهني ولا يرضه يطلكني .وداز خبر انه الة اذب والدتي بدار العجزة يلة ارجعلها .واني ممرضة الحمد لله راتبي مكفيني وحته سيارة عندي .وكلش ومخلية ابالي اطلق منه .بس خايفة يكون قرار غلط.لان من المستحييل اذب أمي بدار العجزة .شتكولون .قرار الطلاق الي اخذته احسن لولا؟؟
رد مع اقتباس
المشاركة الأصلية كتبت بواسطة خالدالسعد
