مساء الخير
اليوم حبيت اشارككم بمسابقة طبق مقبلات
سويت ثلاث انواع من المقبلات
1 البيتنجانية .
2 بابا غنوج .
3 رمانية .
راح اتكلم عليهن بالتفصيل
نجي لأول طبق هو البيتنجانية
المكونات
بيتنجانايه وحدة
فلفل اخضر
طماطاية
قليل من البصل
دبس الرمان
كاتشاب
كمون
نثرم البيتنجان شرائح صغيرة ونقليها بالزيت
وايضا نثرم الفلفل والطماطة شرائح ناعمة
نجي لخلط المواد بصحن عميييق
بعدين نضيف عليهن الملح ودبس الرمان والكاتشاب ونخلطهن لحد ما يتجانسن
وتصير بهيج شكل طبعا الطعم يم يم
الطبق الثاني بابا غنوج ( صيحولي فقار)
المكونات
بيتنجاناية مشوية
روبة بالثوم
ملعقتين راشي
كمون
بيتنجاناية اشويه عالنار لحد ما تستوي
ازيل غلاف البيتنجاناية واخليها بالخلاط واضيف عليها الراشي والروبة بالثوم .. هاي الروبة افضل من الروبة العادية واجيب ثوم اضيفه لأن راح تصير ريحة الثوم قوية بينما هاي الروبة طعمها مقبول .
واضربهم بالخلاط ضربا مگرحا حتى يستغيث
واديرهن بطبق واضيف عليهن الزيتون او بدون زيتون
كثرت زيتون موووبس طيب
الطبق الثالث رمانية وهاي اخير شي سويته شي اضافي
رماناية وحدة
روبة سفن
وهاي هيه تعبت
بس تدللون
رد مع اقتباس
المشاركة الأصلية كتبت بواسطة Aya*
