مختومه الرسالات
...........................
متباركين بيوم المبعث النبوي الشريف
...............................
مايكفي الورق واجف الاقلام...
ولاتوفي المنابر والخطابات...
والتاريخ يشهد طول الايام..
ادله اهوايه عدنه وشاهد اثبات..
شما مرت عليهه اشهور واعوام..
وحق الي خلق ارض وسماوات..
افضل دين يبقه دين الاسلام..
والقرأن واضح بي دلالات..
وابينلك حقيقه وموش اوهام..
برسالة طه مختومه الرسالات..
الوحي بأيات ربه يلهمه الهام..
لأن اعظم نبي بكل الديانات..
يتيم اختاره ربه خير الانام..
وذكر دائم محمد بي دلالات..
من اقطار السمه اشكد بيهه علام..
لأن رب السمه منطي كرامات..
مسح ذاك الجهل ومحطم الاصنام..
ومعجزته نبينه اصدق ايات..
فرض حبه يظل بصدورنه اوسام.
ابو العتره النبي عالي المنارات...
بس اهل الخيانه هواي ظلام..
خلافه العترته نصبوا عداوات..
عماهه الطمع ظلت عايشه احلام..
لهذا اليوم دين الله بمتاهات...
اجتمعو عل الحقد خانو للاسلام...بغدرهم جابو انواع الروايات...
ولان خانو العتره بكل الايام..
والأمه بفعلهم في خلافات..
وين اهل الخيانه و اهل الاثام..
وشوف العتره وشمحله الزيارات..
وسفه ارض البقيع تعيش بالام..
وجم معصوم محروم الزيارات..
.................................
بقلم الدغاري
رد مع اقتباس
المشاركة الأصلية كتبت بواسطة Sky Legend
