وحيد اچتافي تعبانات
من كثر الحمل والهم
بچفوفي الفطر شبرين
يلمن بالصبر وألهم
ومرايه الضلع مكسور
شجبر منه ما ينلم
ماريدن تجيني الناس
تعدل حملي ما أهتم
اريدنك تمرني بشوگ
تداوي جروحي يالبلسم
بارد حضني يوم جفاك
بزردومي الصبر علگم
وگلك رد وتاني تعود
روحي بجيّتك تحلم
تعال وكفكف الدمعات
مجرىٰ خدودهن من دم
تعال وداوي جرح جفاك
بعبير اشفاك لو نسم
وگول اترد وتاني بشوگ
واثاريني بعزه وماتم
وأشهگ والدموع اتسيل
وگلبي من الحزن فحّم..
توفيق الصكبان...
رد مع اقتباس
المشاركة الأصلية كتبت بواسطة Aya*
