مدري شلون
صارت والمهم صارت
والعيون بدمعها گبالهم حارت

لاني العشت
بيهم حته گول بخير
ولاني الرحت عنهم.. والشگر غارت

مثل ميل
الثواني منيلي العنوان
افتر والعيون عليهم ندارت

دلة شيخ
روحي العمر كله تفور
ياهو الحاس بيها بياكتر فارت

عجوز بنص
ولدهه العاق والبيه عوز
لاربك اخذها ولاهي الدارت

هيج انا
چلمتي بين ربعي تبات
شالت كلشي غالي وبالنزل بارت

الوادم تربص
لي سوايت الصايود
بلكي حچايه مني بلا هدف طارت

وانه…. العنده
نيه ينافس الفراش
والينگلب كاسر كونها ندارت

مليت
انجرح واعتذر لسچين
روحي وبنيايجها من الطعن يارت






مسلم التوبي