غرفه اخي
قبل ايام طلبت مني امي انضف غرفه اخوي الصغير(جماعته بالكليه وهوه ثالث صناعه )بس هو اخر عنقود
طبيت للغرفه وياريت ما طبيت
الغرفه عباره عن مكب نفايات
ع اخر دقيقه وجان اشهد ع زواج ٢ صراصير
القهرني اكثر ليش ماعزموني ع الزواج
المهم بديت انضف بيهه وجان اكشف هواي اسرار
راح ابدي اسرد باسراره واحد واحد
اول ما بديت انضف بكتبه
وجان انصدم
انضف شي بالغرفه هنه الكتب بحيث ما لامسهن القلم ولا مسوي تعارف بينهن وبين القلم
ليش هيج كسرت مشاعري
المهم جانت الغرفه عباره عن بقايا نساتل واجباس وعباره عن قواطي فارغه
اما الاشياء الممنوعه دوليا فقد تم الكبس عليها ومصادرتها دوليا
وهي عباره عن اركيله الكترونيه مع شاحنتها
وثلاث كارتات اثير فئه ١٠ دولار
يقال ان الاعتراف سيد الادله
منا لباجر اذا ما اعترف وطالب بغراضه راح اصادرهن لجهه عليا
للعلم الكارتات بقن بس ٢
والاركيله هاي هيه
حسب ما اعرف سعرهه ١٥٠ هالحجي مضبوط؟ يعني خوش مالات بيهه اذا ماطالب بيهه
لليتسائل ليش ما انضفهه دائمن
لان هوه دائمن ياخذ مفتاح غرفته من يطلع لان يدري اكو قفاصه وراه
المسكين يخاف ع غراضه شيسوي
هالمره نسه الغرفه مفتوحه
وتم التقفيص بنجاح
رد مع اقتباس
المشاركة الأصلية كتبت بواسطة Netero
