… ..دكتور العلل…..
…………… ………… .… .
يالكاظم اجيتك والحمل ثگلان..
ومن جور المرض اعضاي تالمني..
يدكتورالعلل متخصص انته ابهاي…
ماظن صيدليتك منها تحرمني..
تعنيتك واجيتك وانته ابوالطلبات…
معقوله ابندم يالكاظم اتردني...
هدحيلي المرض وعضاي نحلانات..
واحسن بالهوه مولاي يلچمني….
اذارديت منك ربعي ايسيرون..
اواحدهم غده اعله الالآمي ينشدني…
شسولفله وشگله جيت بحسن حال…
لوبعده المرض بعضاي ياكلني....
وانته ابكيف كيفك عاد مامجبور…
بس گلي قضيتك ما توالمني….
من لميت حيلي وللمسير انويت…
هواي من الربع شغلات وصتني….
هذا ايريد حاله ايصير بحسن حال….
والآخر بالعلل مبتلي او كلفني….
اويمك رحلي حط وانته ابوالحاجات…
وانته اتگول مايندم اليطلبني.. ..
ذبيت العلاج اوعيب امرن بيه
وگلت باب الحوائج بيده طيبني….
وگلت باب الحوائج والله طيبني
ب..ق..عبدالامير البديري
رد مع اقتباس
المشاركة الأصلية كتبت بواسطة Suzana
