القصيده لمولاي كاظم الغيظ بمناسبة مصابه الاليم....عظم الله اجوركم بهذا المصاب الجلل
............ ......
ياكاظم الغيظ اليوم مصابك حيل ياذينه
ياسيدي اليوم الدين عليك اتظل بواجينه
....... ...........................
من سجن السجن مولاي ..صابر ماشكيت الحال
وبثكل الرواسي اعليك هم الابد ماينشال
ياراهب الاهل البيت..فخر مولاي للاجيال
ماهميت ابد فد يوم من ظلموك اعادينه
..................... ..........
حيطان السجن مولاي.. لمصابك تون وتلوع
يلصايم نهارك دوم..وليلك ساجد ومفجوع
سجانك بقه محتار ..بظلام السجن شاف اشموع
ونورك للسمه صاعد ..جدك طه هادينه
...............................
عن اهلك بعيد اسنين..ضاعت عنك الاخبار
ظلت شيعتك بهموم..ماتدري عليك اشصار
وانته مكيد ومسجون وبني العباس مله اشرار
امام وزاهد.وعابد غيابك يصعب اعلينه
...................................
الاسمه بلعرش مكتوب..عنده من السماء اعلوم
يعرف هارون عنده احساب..ويدري بلرطب مسموم
هذاىمن السمه المكتوب..امره بهل الوكت محتوم
والموعد جسر بغداد كل شيعته امتانينه
...............................
اليكصدك سيدي ومهموم..منك ياخذ مراده
ابو طلبه وفخر للدوم..وبطبعه الكرم عاده
ومن نهر الشرف والجود الكاظم مثل اجداده
وابو الرضا الحد الموت شيعه احنه وموالينه
ياكاظم الغيض اليوم ..مصابك حيل ياذينه
................................
بقلم الدغاري
رد مع اقتباس
المشاركة الأصلية كتبت بواسطة حمامه سلف
