اتريد تسلم هاك اخذ معلومه
ارضه أبقسمتك لاتسب فطومه
جبنالك وطن شلك بوكت الراح
خله يولي ذاك اسنينه معدومه
شلك باليگلك كان ياما كان
گلب هذا الوطن مشلوع من يومه
ظل اقره الزمن ظل تابع التاريخ
ماظن تلگه شيعي وبيده حلقومه
مو لازم شكر وتحلي تالي الليل
ولا ضحكة طفل بشفاه مرسومه
نام انت بصريفه واكل خبز اشعير
وصبر عالوجع وتوچه بالگومه
انصر مذهبك خل الشبع يرتاح
لاتامل فرج جازيتك السومه
اننذر دمك نذر مو للوطن للباگ
للنايم ابفله وكرشه متخومه
لاتحلم بعد وتسولف على الخير
صار الخير كله بحضن حلومه
واريدك تتعض من هاي ومن الجاي
لاتحلم تره الاحلام معدومه
مبيوگه الظهر مايستحي البواگ
ولا عنده حيا مبخوت برسومه
وخليني اخبرك بعد حتى ارتاح
مبيوگ الجمل والحمل والچومه
علي الصگبان
رد مع اقتباس