رساله الى الله
رساله الى الله
******** اما بعد
لكيتك صاحب وسمعه
ولكيت اسمك بياض خيوط يتوهج بكل شمعه
وعرفتك ماتردني من لكيت الناس ماتسمع حجي المكسور دون صواب ونته تشوفه وتسمعه
يصاحبنه الهوه لو يرد للمنطين جا صار بمحلات البشر سلعه
جا عشنه مثل حال السجن مخنوك هواء مثله ع كد ربعه
بس انت وهبته النه ثواب الروح كل تفاحه مندفعه
وحنه الغشمه من ننخاف رقم عشره تملق لجلك نرفعه
نسينه تشوف ليبات بحلم يوسف تنزله المطر فزعه
ويطلع ماله والد مثلك بكل كاع وحنه نكول حتى اطفالنه زرعه
غشمه نطينه للمخلوق جاه واجهه ورفعه
وتركناك بزوايه كلوبنه فانوص من نحسها ترعد يالله نطلعه
يبو روحي البشر حكه نعوج من طين لو خالقنه من دمعه
جا رحنالك متيهن ماندندل نطيح من الجفن للخد دفو بسرعه
مو مثل البرد كتلك دفو بسرعه
يخالقنه الجوامع احلى من يوسف وهدوم اليتام جيوبها مرگعه
اختلفنه بكلشي حتى النامو بكهفك ناس تكول سته وناس لا سبعه
ثق لو ترد ناگت صالح وصالح وداود وجفوفه ولامته ودرعه
نضل رقم اربعه عوجان والمنطينه اصابعنه يضل تسعه
عوج راسه لان هوه نطوائي لحزبه والربعه
ونته الخالق الواحد تضل وحدك لان لا انت من حزبه ولا انت مثل ربعه
الشاعر مسلم المطوري
رد مع اقتباس
س