رسالتي الى البابا..حسين الساعدي
رسالة من شعب العراق الى البابا؛؛؛؛
ابقه ويانه يبابا
حسين الساعدي
؛؛
ابيوم واحد ضبطوا ايقاع الربابه
اتحولوا صاروا حمامه
العلشعب جانوا ذيابه!
ابقه
ويانه يبابا
بس تروح الوسخ يرجع للحكومه ونرجع النفس الطلابه,,
انته صفيت الاجواء الجانت امغيمه وضبابه..
ابمريم العذراء أحلفك
ابعيسى وحسين ومصابه,
لا تروح
وبس تروح
البرلمان اينام ميكمل انتصابه!!
ابقه
ويانه يبابا
خاف من ترجع الاهلك العراق ايصير غابه!
انته ترجع
والشعب يرجع الضيمه ويرجع الذيج الكأبه!
المسلح بينه يقتل لو زعل يفقد صوابه
بالدواب ايهد علينه ابكاعنه الهشه وترابه!
ولو شكينه!
ايكول وخروا الكاع عن جية دوابه!
والحكومه امغلسه كلش
جنها ما سمعت جوابه,,
ابقه
ويانه يبابا
همه يحترموك اكثر من شعبنه
ومن علي وباقي الصحابه!!
والدليل النجف صار الخاطر اعيونك رتابه,
وجان من قبلك خرابه!
والاثار الظلمه جانت نوروها وصارت احله من اللعابه
اسأل اهل الناصريه
وشيبة الشاب ابشبابه!!
راح تعرف شعب دايخ تارك الصفنه اعله بابه,
من حكم جاير علينه ابشلة اذيول وعصابه,,
ابقه
ويانه
يابابا
عوف روما
وابقه يمنه وحقق الشعبي انقلابه
احنه متأسرين بيد الماعرف وين انتسابه!
ابقه يمنه
ورشح اسمك
وشوف الاصوات التجيك المن شعبنه البسمك ايكول انتخابه.
ابقه ويانه يبابا
حسين االساعدي
رد مع اقتباس
المشاركة الأصلية كتبت بواسطة قاسم البهادلي
