تأخرتِ أيضا
تأخرتِ أيضا
...........
تأخرتي ،
وجزاني الوگت
لكن جيت في وگتي
تكلمتي
وجرحني الصوت
لكن ذبت في صمتي
ورحلتي ،
وضاعت الأحلام
أنا آسف على الأيام
مو آسف عليكِ انتي
تأخرتي
***
رحلتِ والسنين تذوب
شمعه في كرستالِك
وتركتي في جدار الليل
ملامح صوتك وشالِك
وبعد في قصّتي باگي
خريف يبعثر اوراگي
يبلل بالندى صمتي
تأخرتِ
***
رسمتك وحشتي ،
والليل
ستاير تنزل بروحي
ومحيتك ،
لا تلومي الهيل
أنا ما گِلْتِلِكْ فوحي
ورغم كل صمتك العاصف
أنا اللي گلتلك آسف
ولا همني إذا ثرتي
تأخرتي
****
كمنجاتك تناديني
تغنّي وحشة حروفِك
مواويلي
الصدى
الاحلام
نداي
وشمِّك
وشوفِك
واشوف العمر يتبدد
دروب لخطوتك تشهد
ومشيتي
وصِرْتِك
وصِرتي
...
..
.
وتأخرتي
........
صداكِ اللي يناديني
يبلل روحِك
بصوتي
شذاكِ اللي يواسيني
يطرّز
ضِحْكِتي
بموتي
انا ،
يا رحلة احزاني
لگيت بعينك إنساني
وغفيتي
وضاع من نمتي
وتأخرتي
عامر عاصي .
رد مع اقتباس
