انه بغربه وهلي عني بعيدين
شعجب من دونهم ع البال مريت
انه مفتح ابواب وما يطبون
وانت بلايه باب بعيني طبيت
بعيد وجنت اشوفك مثل العيون
واقرب من سواد العين حسيت
تنگل صورتك تدري العصافير
ويسفطنك بعيني لون حنيت
طرت حد ما تلاشت صورة الگاع
وشفت وجهك سمه وگباله صليت
بس گلي شگطع خاطر انساك
تشوف شگم گلب من صدري جريت
اخلي بخاطرك من جنت احاجيك
وانت بخاطري ما يوم خليت
گلي الخالقك كم نسخه سواك
اشو يا بيت اطبه الگاك بالبيت
تره انه من كثر م تولعت بيك
جن وتلبست ب اعضاي شكيت
جابولي اليطلع يعرف الجان
غلط طلعني انه وانت ضليت
اضيع روحي عنك وانصدم بيك
واندلك واگولن ما اندليت
غير التعمه عينه تموت الوجوه
شو انت غصن بعيوني طگيت
مو انت سمه وجنحانك ثگال
عله اليبسن اغصانه شلون حطيت
يا اطول درب بعيون عطشان
بيك شكم جدم تعبان ذبيت
لتذبهن حرز خليهن وياك
تخسر لو حرف من اسمي ذبيت
اسمي وداعت اسمك لايگ عليك
وانه ب اسمك يبعد اسمي تسميت
يطشرني اعله وجه افراگك الموت
وبس تصيح ب اسمي ردود رديت
اذا حبيت غيري مشتبه بيه
لأن حسبالك انه يجوز ضنيت
مدري يجوز صارت وانه غلطان
ما ادري متت بس عدل حسيت
لأن لو عدل انه شلون اطب ليك
وكل اهلك ولا شافوني بالبيت
اذاً ميت حبيبك وانت عريس
والك اخر قصيده اليوم زفيت
عهد من عندي بعدك للعشك ثوب
عله جلد الگلب ما يوم حطيت
ميثم فالح
#حسين فانوس
رد مع اقتباس
المشاركة الأصلية كتبت بواسطة نغم الجبوري
