يزعلوني وامســح دمعـتي وانتظـر
واليــل مـــاقصـــر اخــذ حصته
الشباج يغـم بروحــه گالــو هــوه
ويبرد العاشــگ مــــن يغم گصته
اسكت شجــاوب حقــي مــن انسئل
الأخـرس بديه مـــا تنشرح قصته
ماادري بيمن وهيه حسـبت جــرف
امنيته البلم يعـرف بجــف دفعته
الــرايد يسافـــر وانته تدري اطمئن
صـوت القطـــــار بروحته وجيته
بس حيره يزعـــل منك بــلاسبب
مثل اعمه بلجامــع سحــگ تربته
لومــــا اعزازي أعزاز مــــا چلبت؟
المايسوه ايــــدك سهله لــو هدته
المامچوي بيه يكــول گـرصة بـرد
هيه المحبه مــــن الله و محبته
ارگـــض وطيحن مو عمـى علصور
الشـــلال يعرفه شــوكت طيحته
انجرح منهم و استلذ بــــ الجرح
ملچــوم اظلـــن مــــا احب لمته
زعلــو عرفت الصـوج بيهم نقـص
مـــوذنبه ساعـــي وشگلــو ذمته
اتحده بير لبشر بــــايع حـــرف
الـراعـي يــم النار يظــم عصته
المايدري ليش بسرعه وانطو گفى
تلگه الجــواب بعينه مـــن دمعته
اخــر قصيده ويــ الزعـل وانتهت
اليندلني ينـدل مـــو شرط لافته
رد مع اقتباس
المشاركة الأصلية كتبت بواسطة sawsanmahmoud
شعر الشاعر رضا نجم