هنا

[ارجع يازمان]

الما يخاوي الليل ليثق بالسلاح
الطلقه ماتعرف عدوها امن الصديج

اليفوت ابمعركه ويبدي الصياح
هذا ماكيش ابروجات الغميج!

الما رسمها ابعقله لتظن يستراح
يختنك بالموزمه الراحت تضيج

الكاع بالعثرات ما تنطي السماح
المايشوف ابكلبه يعثر بالطريج,

الرفيج الزامط ابدرب الكفاح
لا تأمن .. قبل لتجرب الرفيج

ايجوز ظهرك ينولي ابغدر الرماح
طالما انته التلم ابلهل مزيج!

الكعبه قبله وهيه عنوان الصلاح
احسب اشمكثرهم ابيوم الحجيج؟

يمكن ابهل كثره واحد بالنجاح
لكن الباقين بس صوت الضجيج!
لكن الباقين بس صوت الضجيج
حسين االساعدي

[Haidar Iraq]

حلو ..
الكعبه قبله وهيه عنوان الصلاح
احسب اشمكثرهم ابيوم الحجيج؟
يمكن ابهل كثره واحد بالنجاح
لكن الباقين بس صوت الضجيج!

[ارجع يازمان]

حلو ..
الكعبه قبله وهيه عنوان الصلاح
احسب اشمكثرهم ابيوم الحجيج؟
يمكن ابهل كثره واحد بالنجاح
لكن الباقين بس صوت الضجيج!

حضورك اجمل دمت بخير