ضيعوا ملكاهم ابيوم الاجينه
وبعد مارحنه , ومشينه,
صاحوا ابصوت المعاتب!
ليش ما مريتوا بينه!
هيج رادوها ابوكاحه
ابكل صراحه
رادو انبوس القطار التيه السجه علينه!
واحنه غرربه
ابدنيا صعبه
وتهنه بدروب المدينه!
صاحت اجروح االحسافه
اشهل صلافه!
احنه
جيتنه
عليكم
عله النيه ومادرينه!
اشلون عدكم قابليه
ابهل أذيه
اتراكضيتو ابهل عتاب وجنه احنه القصرينه!!
حيل فشلانين منكم
صدك احنه الما وفينه!
هاي طعنتكم قويه اهوايه منها اتعذرينه!
ماأذب الصوج بيكم
هيه روحي امشرشبه وعالت عليكم
وهيه طعنت روحها ابهاي الخناجر يوم خلتها ابأديكم ,,
جنت متوهم ابروحي
عود اسميها الحنينه!
يل كلبتوها المواقف وصارت الطعنه امندينه!
لسفينه السمعه صارت والبحر شال السفينه!
جنت حسبالي جمر بدموعكم يوم المشينه!
ثاري دمعة فرح هايه الدمعه ماجانت حزينه!
حسين االساعدي