بمناسبة عيد المعلم الاغر
..............................
قم للمعلم وفه التبجيلا...كاد المعلم ان يكون رسولا
.............................
وديعه اولادنه بجفوفك البيض
سلمناهه الك عندك امانه
ولأن هاي الرساله الشخصك تلوك ..
يكلب الوالد بعطفه وحنانه
يلكلك وفه والكلك ايات
نور انته ويشع ضوه بسمانه
مثل نور الشمس من يجهب الليل
يانهر الكرم منك روانه
يمربي الاجيال تباهي الايام
فخر لسم الوطن وبكل كيانه
اذن انته دليل ونفتخر بيك
يزهي بهلحياة وعالي شانه
شنقدم الك حته نوافيك
بهذا العيد من حل وكت اوانه
نطرز ادروبك انواع الرياحين
ونهدي اكلبونه من ابسط وفانه
شمعه انته وتضوي الدرب للغير
تحرك روحك وتصبح ضوانه
قوافي الشعر محتاره شتسميك
ياوالد واخو وصفك دهانه
ضحيت العمر يااكرم الناس
وعزه الكل عراقي وعنفوانه
..........................بقلم الدغاري
رد مع اقتباس