گبل چم ليلة من موتي
وآنة بعيد
بين الممشة والغبشة
شفت گلبي
كحل عطّاب ياروحي
هدية اعل الگبر متروكة ياروحي
حمامة وتنعة عالشبّاچ ياروحي
مدري شصاير بگلبي؟
گلت خاف الوطن ميّت!
وهّست الجذب بيّة وعبرت الليل
نداوة ورگ صفصافة
وآنة اتخيّر النجمة التمشّيني بعمر ضايع
لگيت الخارطة يجفّي
شفت الناس مو هالناس ، دمع ينشف بصابيعي
شفت كل الحكومة بكل مساحيها
رخص يضحك بصابيعي
(اجة ابّالي ألم جفّي واضيعهم)
بس ضحكة عمر سعدون هلهولة گبر شاخص بصابيعي
گبل چم ليلة هذا آنة
چف وخارطة وأفّيش مو أفّيش ، صيحة حرگ ياروحي
عمت عين العمر من يلتم اعل الجف
ندهتني الحرب عشرة ، وأدري اوي الحرب ألتم
أباوع بالعراق أخضر، گلبة أخضر، كلشي أخضر
بس النّاس ريحة دم
ومابين احتيي اعل الدم وطگ دنية خضار بوجه بايعني
طبعت الجف علة النهران
طفح كلمن ورة اغنيتة
العندة بكل حزب غنوة
العندة بكل حزب دينار
العندة بكل حزب الله
بس الخارطة الغركت
حشّمت الگمر والعوز والياحيف ،،، ماردت








عباس الغالبي