السلام على جبل الصبر
السلام على ام الخدر
السلام على زينب ع
نعشي :صعب يمشي :يهل جناز انطر جيتة اخواني
كَبري : ابكبر صبري : اريد حسين اخوي يصير دفاني
النعش ماريده ينجاس/ فقط بجفوف عباس
١
متأكده وعندي علم / خواني ميعوفوني
بجفوفهم ارد انحمل / والكَبري ايشيلوني
لو حته عني اتأخرو / انه ادري ماينسوني
خوان عندي انه شكثر /ولوحدي ميخلوني
حسيني / يضي عيني/اريدك خويه كون بكَبري تحظرني
كَتلك / اذا شفتك / يخويه عله امتوني لاتناشدني
انشدنك عله الراس /فقط بجفوف عباس
٢
جنت انتظر موتي يجي/ والموتتي ملهوفه
لمن شفت ذاك الكَمر / امكَطعات اجفوفه
لمن دخلنه للقصر / لمن دخلنه الكوفه
لمن خدرنه ابنص زلم / وعيون غربه اتشوفه
بدربي / عثر كَلبي / تره بدرب السبي صارت معاناتي
بعمري /ولا ادري/ احس كلهه مشت والباقي دمعاتي
شفت تتفرج الناس / فقط بجفوف عباس
٣
بعمري الف موته متت/ من دفعو امي الزهره
من فتحت الباب ولكَت،/ بلباب بس السطره
من شفت ابوي امن الحزن / من يمشي يحني بظهره
من شفت محسن عالارض / بعمر الورد ياعمره
ويلي / انهدم حيلي / من ذاك الوكت وانه انتهه عمري
عمري / انتهه وأدري / انه اويه الزهره ميته ونحفر كَبري
مشت وياهه الانفاس / فقط بجفوف عباس
٤
عمري عله الشاطي كَضه / حسيت اخر لحضه
من كَطعو اجفوف الكَمر / ياجفن بعده انغمضه
خالي بقه امجان الاخو / محد يجي ويعوضه
والجربه من عدهه السمه .. ردات تجي وتتوضه
شوفي/عله اجفوفي/اريد اكَطع جفوفي وسالمه جفوفه
شفته / ولا عفته / ولاهوه البقه ولانكَدر انعوفه
كَلتله مات الحساس / فقط بجفوف عباس
٥
راح الهوه وأشتم حزن / صار النفس ياذيني
فاركَت كلشي بدنيتي / من فاركَاني حسيني
من عافني حسين ومشه / ماحس طعم بسنيني
متعوده لو مرني الضمه / بسوالفه يرويني
بلحدي / اظل وحدي/ حته بموتتي مكسورلي خاطر
ميته / انه يمته / منهد مافاركَاني حسين بالعاشر
لمن شفته بلا راس / فقط بجفوف عباس
تمت : الشاعر سيد احمد الموسوي
رد مع اقتباس