ميمر..استشهاد العقيلة زينب (س)
وين الكمر شو ما حضر
وبجربته ايجيب النهر
وكبل المنيه العباس يحضر إلي اتمنيته
كلوله زينب رادتك مايلها
انه صلاته وعني ابد مايلها
من عيني صورت فركتك ميلها
كلبي انعصر عودي انكسر
يل شوفتك تسوه النظر
بعيوني غيرك عباس بس الرمش خليته
عالجبله راسي وعيني الك مربيها
دله حياتي وبس ضكت مربيها
زينب يخوها تحتضر مر بيها
صحت بألم يهل الشيم
يا هيبتي راعي العلم
ياخويه لا تكول ابعيد دربك سبي وماشيته
احبس دمعتي الجيتك ياهلها
معقوله عندك مابقه ياهلها
زينب تجالع بالنفس ياهلها
بأخر نفس صدري انحبس
وانه انتظر تصهل فرس
واسمع اچاچ الكفال هذا الخبر تانيته
من جنه نكعد بالكسر كتالي
وسولفنه عالطف والدمع كتالي
كلي اليجرج بالحبل كتالي
كام ووكع لمن سمع
هذا الخبر كلبه انصدع
سبحه وتطشر عالكاع وبيا علي لميته
صار النخافه وفركتك يمرايه
حركتني شوفت نومتك يمرايه
يل بيك اشوفن كشختي يمرايه
راح الشمل عين ابنبل
ومثلك كطع جفي الحبل
وبمتني من نام السوط نومك عليه ذكريته
وينك يمن روحك ربت وي روحي
نار الفراك بغيبتك وي روحي
تارس اعيوني بصورتك ويروحي
جاني الأجل عودي وذبل
ومثل الهرش كلبي انسحل
ما شفت وجهك بالناس وبيا سِمه ظميته
تمّت بعونه و عنایته
وائل السماوي
رد مع اقتباس
