ميمر ...ولائي
١٤٣٨
طهران

يالزهره خادم لحسين. اتوسل اتقبليني
**********
غذوني حب حسين من المرضع
وبزغري الطم بالمواكب واسمع
مجنون عابس وبجنونه اتولع
واهل العشگ والخدام. عابس انه مسميني
***********
گظيت عمري بهالمجالس احظر
وبدمعي ارسم چف گطيع ومنحر
بالخدمه انه اتباهه يوم المحشر
يافاطمه وبالميعاد . بس حبكم ينجيني
***********
تنتظر كل الناس عيد الله اشهور
وانه بغرام حسين اعيش ومعذور
كل الدهر بعيوني اصبح عاشور
الطم وواسي المذبوح. بالمجلس اتشوفيني
†**************
من عمري يوم اليخلص ابلا مأتم
استغفر بدمعة خجل واتندم
كل يوم اروح لمجلس انه امعلم
والعبره لوليدج دوم. ماتفترگ عن عيني
***********
نذرتني امي وهالنذر صار اسنين
خادمكم ابقى وادري بيج اتوافين
عندج تظل كل دمعه من الباچين
وانه اعله بابج دگيت. واتوقع اتظيفيني
***********
ليل ونهار اتوسل انه ومشغول
يافاطمه واتمنى عندج مقبول
ما صدگ اتعوفيني لا مو معقول
انتي الكريمه وهيهات. يوم الحشر تنسيني
***********
انه ادري اسمي بدفترج يالزهره
مكتوب خادم ونقبل من زغره
لحسين هذا العمر فدوه لعمره
حبيته وفديله الروح. ونطيته كل اسنيني
***********
ناذرله كل اسنيني ودموع العين
واترجى حُسن العاقبه بالدارين
اوسع سفينة مغفره حب حسين
واتمسكت بيهه وحيث. للأخره اتوديني
***********
ما عندي غير اوليدج بكل عمري
واهبله روحي وهو مالك امري
اترجى يحظر بالممات بگبري
لمن اريده وانخاه. وبطيبته يوافيني
**********
يالزهره خدمتكم شرف للخادم
والما مشى بهالدرب يصبح نادم
فاز الذي بهاي المجالس لاطم
هذا اعتقادي وللموت. هيهات اعوف حسيني
**********
الفقير
أبوعلي النجفي

فخرم این بس که شدم من ز گدایان علی
از مریدان علی
سینه چاکان علی
تحت فرمان علی
خاک خاک قدم قنبر مولا علیم
نوکر مولا علیم
مدد یا حیدر

روز محشر که همه زار و پریشان شده اند
همه حیران شده اند
همه نالان شده اند
دست به دامان شده اند
به خدا نوکر دربار علی خنده کنان
می رود سوی جنان
مدد یا حیدر

أحمد حسين (أبوعلي النجفي)



أحمد حسين محمد علي(د. أبوعلي النجفي)
و الدكتور حسن المرواني
بيروت ٢٠١١