تانيت ابكلب محروك
كلش ما طفت ناره!
؛
حسيت العمر مبيوك
وانته البايك اسراره
؛
ياطيف ابغلاة السوك
جبته ورخصت اسعاره!
؛
تدري ابلهفة المخنوك
ويه النسمه يتباره!
؛
أريدنك تجيني ابشوك
شايل هور العماره!
؛
بالضحكه التشك احلوك
تاخذ كل الِبشاره!
؛
هالصفنه العليه اتلوك
الها ادموعي تِجاره!
؛
لا تتكبر اللي فوك!
يا باب الهجر داره!
؛
حَكاني وصرت محكوك
حكمك شنهي معياره!
؛
يا نخله التذب اعثوك
كبل كطفات االحجاره!
؛
يلعايفني اخيط افتوك
اجروحي المالهن جاره!
؛
لا تضحك عله المسيوك
يوم الدكت الغاره,,
؛
هم اتسوك بيك النوك
هاي الدنيا دواره
والله الدنيا دواره
حسين االساعدي