هنا

[ارجع يازمان]

عيد الحُب

ابعيد الحُب حاير شهديلك وانته العيد
لو أهديلك روحي أوكلبي وهَم ميفيد
من الأول عندك هنه
اطلب يالغالي اشتتمنه
وجهك هالليله ابضي الحُب راح ايزيد
ابعيد الحُب حاير شهديلك وانته العيد


عيد الحُب يضوي ابسماتك
ايعطر ورداته ابكلماتك
والورده الحمره البشفافك
هَم داخت مثلي إبأوصافك
هامت بيك الورده ومثلي اوياك اتريد
ابعيد الحُب حاير شهديلك وانته العيد




ابحبك ناذر كل اسنيني
ياعيدي الما فارك عيني
ذَوبني ابحبك خليني
ضايع من روحي ودليني
خل اتمشى اوياك الليله وأيد ابأيد
ابعيد الحُب حاير شهديلك وانته العيد



ابعيد الحُب حاير شهديلك وانته العيد
لو أهديلك روحي أوكلبي وهَم ميفيد
من الأول عندك هنه
اطلب يالغالي اشتتمنه
وجهك هالليله ابضي الحُب راح ايزيد
ابعيد الحُب حاير شهديلك وانته العيد


حسين الساعدي

راق لي

[Civil Engineera]

[ارجع يازمان]

وسلمكم الله مهندستنا التركمانيه
ودامت روعتكِ مع اجمل التحايا