مو غشمه لجن طيبين,, هاي البينه معروفه
نصدك الصاحب امن ايكول, ونجذب العين التشوفه!
ماهمنه حجي اليحجون
وحق عباس واجفوفه
باجر همه اليخسرون
واحنه ابطيبه موصوفه
جنه ازغار واحدنه الصديقه ينطي مصروفه
يتحده هذاك الجوع الخله افكاره مخطوفه!
ديوان الكرم لليوم ابد ما زعل اضيوفه!
مو غشمه لجن للغير نغطي اعيوب مكشوفه!!
هيبتنه عراضه اتصير تحمي الضاعت اسيوفه!
يدرونه اذا نغتاظ تخلي الكاع مخسوفه
لكن بالملح نخجل وادينه اتصير مجتوفه!
حسين االساعدي