هنا

[ارجع يازمان]

بعض من ابوذيات لمساجلة يوم امس وكانت كل الكتابات جديده ومباشره
ابيوم الظعن عني سرى باك
انه ابقهر والحادي سره باك
ماكو ماي واتوقع سراباك,,
وادري ابركضتي البحر المنيه!
االساعدي
؛
احنه ابعيد منكم __ ما سرينه
وكل أسرار عنكم __ ماسرينه
لكن مره بيكم ___ ما سرينه
عشرتكم قهر ضيم وأذيه!!!
االساعدي
؛؛
يامسره الشماته اوياك سرهم
وحجيك بيه ذاك اليوم سرهم
ما باحولك ابفد يوم سرهم
وانه اسراري بديك مو بديه!!
االساعدي
,,
لوما انتم ابهل درب ماسر
ومنكم ماتهنه الكلب ما سر
احلفكم ابرب الكون ماسر؟
انحجه للشامت وينظم عليه!!
االساعدي
,,
الكم وبدرب مخطور سرنه
وماظمينه عنكم يوم سرنه
شوفات الكُمر بالليل سرنه
يذكرنه ابضواكم كل مسيه,,
االساعدي
,,
كلبي الحاضن ابجرحي سرا به
حسباله البحر طلعت سرابه
واكف بالسره وناطر سره به
الك لازم سره ابدرب المنيه!
االساعديَ